Таяу Шығыста жүрсеңіз не сонда билет алып қойған болсаңыз, қайтпек керек?

28 ақпанда Қазақстанның Азаматтық авиация комитеті қауіпсіздікке төнген жоғары қатерге байланысты Таяу Шығыс елдеріне ұшуға тыйым салды. Қазақстандық туристерге негізгі хаб саналатын Дубай, Әбу-Даби және Дохада жүздеген рейс тоқтатылды. Осы елдердің бірінде қалып қойсаңыз не сол бағыттарға рейс жоспарланған болса, енді не істеу керегін түсіндіреміз.

Таяу Шығыс елдеріне ұшатын билетім бар. Енді не істеуім керек? 

Бас тарту себебіне қарамастан, әуе компаниясының мынадай міндеттері бар:

1. Сізге рейстің статусы туралы хабарлайды.
2. Рейс тоқтатылған жағдайда — ең жақын күнге балама рейс ұсынады.
3. Балама ұсыныс сізге сәйкес келмесе — билет құнын толық қайтарады.

Былай етіңіз:

• Рейстің статусын әуе компаниясының сайтындағы «Бронды басқару» бөлімінен тексеріңіз.
• Ресми хабарлама алғанға дейін билетті өз бетіңізше қайтармаңыз, әйтпесе қайтарым ерікті түрде жасалды деп есептеледі (айыппұлдармен).
• Сатушымен байланысыңыз. Билетті әуе компаниясынан тікелей сатып алсаңыз, солардың қолдау қызметіне жазыңыз. Агенттік арқылы алсаңыз, тіке өздеріне жүгініңіз.
• Билетті Aviasales.kz сайтында рәсімдеген болсаңыз, сатушылардың байланыс деректерін сілтеме арқылы табуға болады.

Сіз Aviasales.kz-тің желідегі парақтарына жазыласыз, ал біз сізге рақмет айтамыз. Ок па?

Telegram

Instagram

Әуе компаниялары қандай шара қабылдады? 

Жағдай сағат сайын өзгеріп тұр, сондықтан кейінгі ақпаратты компанияның сайтынан бір қарап алыңыз.

• Air Astana и FlyArystan: Дубай, Жидда, Медина мен Доха бағытында жоспарланған рейстер 3 наурызға дейін тоқтатылды. 8 наурызға дейін билет сатылмайды. 8 наурызды қоса алғанда, билеттерді сатып алған жері бойынша қайта тегін брондауға не толық қайтарып алуға болады.
• SCAT: кестеде рейстер жоқ.
• Qatar Airways: 3 наурызға дейін ұшатын рейстер үшін билетті қайтару алымдары алынбайды. Бастапқы күннен бастап 14 күн ішінде екі рет қайта тегін брондауға рұқсат етіледі.
• Flydubai: билетті қайтаруға немесе бастапқы ұшу күнінен бастап 20 күн аралығындағы басқа күнге ауыстыруға болады.
• Emirates: 5 наурызға дейінгі билеттері бар жолаушылар оларды 20 наурызға дейінгі күндерге қайта тегін брондай алады.
• Turkish Airlines: БАӘ, Катар, Бахрейн, Оман және Сауд Арабиясына рейстер (28 ақпанға дейін рәсімделген, ұшу күні 12 наурызға дейін) үшін 2026 жылғы 10 мамырға дейінгі рейстерге тегін ауыстыру немесе толық қайтару мүмкіндігі бар.
• Air Arabia: айыппұлсыз күнді ауыстыру немесе қаражатты бір жыл ішінде пайдалануға болатын ішкі ваучерге аудару ұсынылады.

Мәжбүрлі қайтару бірден жүзеге аспайтынын ескеріңіз. Қаражат шотыңызға 30 күнге дейінгі мерзімде қайтарылуы мүмкін. Жаңа билеттерді сатып алуға бюджет жоспарлағанда осыны назарда ұстаңыз.

Мен Таяу Шығыста жүрмін. Елге рейс жоқ. Не істеймін?

Рейсіңіз тоқтатылса, әуе компаниясы балама бағыт ұсынуға немесе ақшаны қайтаруға тиіс.

Әуежайда не істеу керек:

1. Тіркеу орнына немесе әуе компаниясының кеңсесіне барыңыз. Балама билет талап етіңіз.
2. Рейстің тоқтатылғаны туралы жазбаша қағаз сұраңыз.
3. Сақтандыру компаниясынан өтемақы алу қажет болған жағдайда, тамақ, қонақүй және көлікке қатысты барлық түбіртекті сақтаңыз. Сақтандыру компанияларының көпшілігі әскери қақтығыстарды өтемақы төлеуге негіз деп есептемейді, бірақ кейбірі кешіккеннен туған шығындарды өтеп беріп жатады.

Тұратын жер

Дубай билігі рейстердің тоқтатылуына байланысты елде қалып қойған шетелдік қонақтарды қонақүйлерден шығармау туралы ресми түрде талап қойды. Қонақүйлерге турист дәл қазір қосымша күндер үшін төлем жасай алмаса да, тұру мерзімін бұрынғы шарттармен ұзарту ұсынылды.

Байланыс

Қазақстандық мобильді операторлар — Kcell, Beeline, Tele2/Altel — қақтығыс аймағындағы барлық абоненттерге тегін байланыс пакеттерін автоматты түрде қосты:

• 1 ГБ интернет және 10 минут қоңырау (7 күнге);
• Kaspi.kz және Freedom Travel клиенттеріне тәулігіне 5 ГБ-қа дейінгі трафикпен тегін eSIM ұсынылады.

Қазақстан елшіліктері мен консулдықтарының нөмірі

SMS хабарламаны тексеріңіз — қосылғаны туралы хабарлама автоматты түрде келуге тиіс. Егер жағдай қиындай түссе, Kazakhstan Республикасының дипломатиялық өкілдіктеріне хабарласыңыз.

• Қазақстанның Ирандағы елшілігі (Тегеран): +98 21 2256 5933 (кезекші), +98 936 208 4672 (ұялы телефон, WhatsApp). 
• Қазақстанның Ирандағы Бас консулдығы (Горган): +98 912 298 0350 (ұялы телефон), +98 173 252 0443 (жұмыс телефоны), +7 701 771 34 01 (WhatsApp).
• Қазақстанның Ирандағы консулдығы (Бандер-Аббас): +98 930 298 57 03 (ұялы телефон, WhatsApp).
• Қазақстанның Иорданиядағы елшілігі: +962 777 688 885.
• Қазақстанның Біріккен Араб Әмірліктеріндегі елшілігі: +971 50 508 5226, +971 2 449 8778.
• Қазақстанның Дубайдағы Бас консулдығы: +971 50 570 1978.
• Қазақстанның Сауд Арабиясындағы елшілігі: +966 55 663 0177.
• Қазақстанның Катардағы елшілігі: +974 5064 9955, +974 5100 0733.
• Қазақстанның Кувейттегі елшілігі: +965 6704 2545.
• Қазақстанның Ливандағы елшілігі: +961 471 3467, +961 471 3447.
• Қазақстанның Бахрейндегі Бас консулдығы: +973 3348 0890.
• Қазақстанның Израильдегі елшілігі: +972 54 878 4608 (ұялы телефон, WhatsApp), +972 53 272 1815 (ұялы телефон, WhatsApp), +7 701 731 4177 (WhatsApp).

Таяу Шығыс елдері арқылы транзитпен ұшқалы жатыр едім. Не істесем болады? 

Бәрі билетті қалай рәсімдегеніңізге байланысты.

Бірыңғай билет

Әуе компаниясы сізге жаңа бағыт табуға, басқа хаб арқылы жеткізуге немесе бүкіл жолақыңызды толық қайтаруға міндетті. Барлық мәселе тасымалдаушы немесе билетті сатып алған агенттік арқылы шешіледі.

Бөлек билеттер

Мұндайда жағдай қиын. Бірінші рейс тоқтатылса, екінші әуе компаниясы ақшаны қайтаруға міндетті емес, себебі формалды түрде олардың рейсі орындалуы мүмкін. Мұндай жағдайда әр сатушымен (әуе компаниясымен немесе агенттікпен) жеке-жеке байланысу қажет.

Осы тақырыпта басқа не бар?

Түйісетін және ауысып мінетін рейстерді ажырата аласыз ба?

Қазақстандықтар енді қандай елдер арқылы ұшса болады?

Таяу Шығыстың әуе кеңістігі жабық болса, Азияға, Еуропаға және АҚШ-қа ұшу үшін баламалы хабтарды қарастырған жөн.

Азияға:

• Қытай арқылы: Алматы мен Астанадан Пекин, Сиань, Чэнду және Үрімшіге тікелей рейстер бар. Сол жерден Таиланд, Вьетнам, Малайзия және Жапонияға кең желідегі рейстерге қосылуға болады.
• Үндістан арқылы: Алматыдан Делиге тікелей рейстер (Air Astana, Indigo).

Еуропаға:

• Түркия арқылы: Ыстаңбұл — басты хаб болып қала береді. Қазақстанның көптеген қалаларынан (Алматы, Астана, Ақтау, Атырау, Шымкент) рейстер бар. Ыстаңбұлдан бүкіл Еуропаның әуе кеңістігі ашық.
• Өзбекстан арқылы: Ташкенттен Лондон, Франкфурт, Рим және Миланға ыңғайлы рейстер бар.
• Грузия немесе Әзірбайжан арқылы: Wizz Air сияқты лоукостерлер Кутаиси арқылы ұшып жатыр, сондай-ақ Баку арқылы ыңғайлы транзиттік рейстерді табуға болады.

АҚШ пен Канадаға:

• Қазіргі ең ыңғайлы бағыттар — Ыстаңбұл (Turkish Airlines), Франкфурт не Варшава арқылы.

Рейс кестеде, бірақ аяғым тартпай тұр. Жолға шықпай-ақ қойсам қайтеді? 

Қауіпсіздік — әрбір әуе компаниясының негізгі қағидасы. Air Astana, Flydubai не басқа компаниялар маршрут мұқият тексеріліп, халықаралық реттеушілер тарапынан мақұлданбаса, ұшақты әуеге көтермейді. Рейс жоспарда тұрса, демек әуе билігі жол тап қазіргі кезде қауіпсіз деп растағанын білдіреді.

Дегенмен жолға шықпайтын болсаңыз, мынаны ескеріңіз:

• Бұл «ерікті бас тарту» болып саналады. Рейс ресми түрде әуе компаниясы тарапынан тоқтатылмаған немесе кейінге қалдырылмаған болса, ұшудан бас тарту шешіміңіз ерікті деп есептеледі.
• Ақшаны қайтару ықтималдығы аз. Көптеген стандартты және бюджеттік тариф ерікті бас тарту кезінде қаражатты қайтармайды. Әдетте тек әуежай алымдарының бір бөлігін ғана қайтарып ала аласыз я мүлде ештеңе қайтарылмайды.
• Тариф шарттарын тексеріңіз. «Бас тарту» батырмасын баспас бұрын билет ережелерін әуе компаниясының сайты не сатушының қосымшасынан қараңыз. Кейбір тарифтерде күнін аз ғана қосымша ақша төлеп, ауыстырып алу мүмкіндігі бар. Билетті күйіп кеткеннен гөрі осы дұрыс болуы мүмкін.

Осы тақырыпта басқа не бар?

Ұшақ билеттерін ауыстыру және қайтару: негізгі ақпарат