2027 жылы қай күндері демаламыз және еңбек демалысын қашан алған тиімді?
Үш күн еңбек демалысын алып, бірден он күн демалып қайтуға болады.
2027 жылы Қазақстанда бір мерекенің күні өзгерді: Конституция күні енді 30 тамызда емес, 15 наурызда аталып өтеді. Соның арқасында наурыз ең көп демалатын айға айналды: бір айда үш рет ұзақ демаламыз! Ал тамызда мереке жоқ.
2027 жылғы күнтізбені қарап, ұзағырақ демалу үшін еңбек демалысын қай күндері алған тиімді екенін есептеп шықтық. Сондай-ақ Aviasales.kz деректеріне сүйеніп, мереке күндеріне ұшақ билетін қашан сатып алған дұрыс екенін де айтамыз.
2027 жылы қанша күн демаламыз?
Бес күндік жұмыс аптасында 2027 жылы 247 жұмыс күні, 118 демалыс пен мереке күні болады. Бұған жыл сайынғы еңбек демалысын қосыңыз. Еңбек кодексі бойынша, ол 24 күннен кем болмауға тиіс. Мереке күндері еңбек демалысының есебіне кірмейді.
Биылғы үлкен өзгеріс — Конституция күні. 2026 жылғы наурызда Қазақстанда жаңа Конституция қабылданып, маусымда «Қазақстан Республикасындағы мерекелер туралы» заңға өзгеріс енгізілді. Сөйтіп Конституция күні 30 тамыздан 15 наурызға ауысты.
2027 жылғы мереке күндері:
- 1–2 қаңтар, жұма және сенбі — Жаңа жыл;
- 7 қаңтар, бейсенбі — православ Рождествосы;
- 8 наурыз, дүйсенбі — Халықаралық әйелдер күні;
- 15 наурыз, дүйсенбі — Конституция күні;
- 21–23 наурыз, жексенбі–сейсенбі — Наурыз мейрамы;
- 1 мамыр, сенбі — Қазақстан халқының бірлігі мерекесі;
- 7 мамыр, жұма — Отан қорғаушы күні;
- 9 мамыр, жексенбі — Жеңіс күні;
- 16 мамыр, жексенбі — Құрбан айттың бірінші күні (ҚМДБ күнтізбесі бойынша);
- 6 шілде, сейсенбі — Астана күні;
- 25 қазан, дүйсенбі — Республика күні;
- 16 желтоқсан, бейсенбі — Тәуелсіздік күні.
Қай демалыс күндері басқа күнге жылжиды?
Мереке сенбі не жексенбіге түссе, одан кейінгі жұмыс күні демалыс болады. Бірақ бұл ереже православ Рождествосы мен Құрбан айтқа жүрмейді. Олар демалыс күніне түссе, қосымша демалыс берілмейді.
2027 жылы төрт демалыс күні ауыстырылады:
- 2 қаңтардан 4 қаңтарға;
- 21 наурыздан 24 наурызға;
- 1 мамырдан 3 мамырға;
- 9 мамырдан 10 мамырға.
2027 жылғы ұзақ демалыс күндері
2027 жылы жеті рет қатарынан үш не одан көп күн демалуға болады. Тағы үш мереке аптаның ортасына түседі. Олардың қасына бір күн еңбек демалысын қоссаңыз, демалысты ұзарта аласыз.
Қаңтар: 1–4 қаңтар мен Рождество
Жаңа жылда төрт күн қатарынан, 1–4 қаңтар аралығында демаламыз. Одан кейін 5 және 6 қаңтарда жұмыс істейміз, 7 қаңтар — Рождество мерекесі, ал 8 қаңтар қайтадан жұмыс күні.
Егер 5, 6 және 8 қаңтарда еңбек демалысын алсаңыз, 1–10 қаңтар аралығында он күн қатарынан демаласыз. Бұл оқушылардың қысқы каникулымен де сәйкес келеді: олар 28 желтоқсаннан 10 қаңтарға дейін демалады.
Наурыз: үш ұзақ демалыс қатар түседі
2027 жылғы наурыз мерекеге ең бай ай болмақ:
- 6–8 наурыз, сенбі–дүйсенбі — үш күн;
- 13–15 наурыз, сенбі–дүйсенбі — Конституция күніне орай үш күн;
- 20–24 наурыз, сенбі–сәрсенбі — Наурыз мейрамында бес күн.
Осы демалыстардың әрбірінің арасында төрт жұмыс күні бар. Оларды еңбек демалысына қосып жіберіп, ұзағырақ демалуға болады:
- 9–12 наурызда еңбек демалысын алсаңыз, 6–15 наурыз аралығында он күн демаласыз;
- 16–19 наурызда еңбек демалысын алсаңыз, 13–24 наурыз аралығында 12 күн демаласыз;
- екі кезеңде де еңбек демалысын алсаңыз, сегіз күн жұмсап, 6–24 наурыз аралығында 19 күн демаласыз.
Балалармен саяхаттайтын болсаңыз, көктемгі каникулды ескеріңіз. Ол 22–28 наурыз аралығында өтеді. 25 және 26 наурызда еңбек демалысын алсаңыз, отбасыңызбен 20–28 наурыз аралығында тоғыз күн демалуға болады. Қайда баруға болатынын отбасымен визасыз саяхаттауға болатын елдер туралы мақаламыздан қараңыз.
Мамыр: 1–3 және 7–10 мамыр
Мамырда екі ұзақ демалыс бар:
- 1–3 мамыр, сенбі–дүйсенбі — Қазақстан халқының бірлігі мерекесі;
- 7–10 мамыр, жұма–дүйсенбі — Отан қорғаушы күні мен Жеңіс күні.
Екі демалыстың арасында небәрі үш жұмыс күні бар. 4, 5 және 6 мамырда еңбек демалысын алсаңыз, 1–10 мамыр аралығында он күн қатарынан демаласыз.
2027 жылы Құрбан айт 16 мамырға, жексенбіге түседі. Бұл мерекеде демалыс күні ауыстырылмайды, сондықтан қосымша демалыс болмайды.
Шілде: Астана күні
6 шілде сейсенбіге түседі. 5 шілде, дүйсенбіде еңбек демалысын алсаңыз, 3–6 шілде аралығында төрт күн демаласыз. Мысалы, Бурабайға барып қайтуға болады.
Астана күнінен кейін қазанның соңына дейін мереке болмайды. 30 тамыз — енді әдеттегі жұмыс күні. Сондықтан жаз бен қыркүйек — негізгі еңбек демалысын алғанға қолайлы уақыт.
Қазан: Республика күні
25 қазан дүйсенбіге түседі. Сондықтан 23–25 қазан аралығында үш күн қатарынан демаламыз.
Желтоқсан: Тәуелсіздік күні
16 желтоқсан бейсенбіге түседі. Егер 17 желтоқсан, жұмада еңбек демалысын алсаңыз, 16–19 желтоқсан аралығында төрт күн демалуға болады.


2027 жылы еңбек демалысын қашан алған тиімді?
Еңбек демалысын алдын ала жоспарлау үшін мына кестені сақтап қойыңыз.
Қай күндері демаласыз? | Демалыс күндері | Еңбек демалысының қанша күні кетеді? | Қай күндерді жұмыстан еңбек демалысын алу керек? |
|---|---|---|---|
1–10 қаңтар* | 10 | 3 | 5, 6 және 8 қаңтар |
6–15 наурыз | 10 | 4 | 9–12 наурыз |
13–24 наурыз | 12 | 4 | 16–19 наурыз |
6–24 наурыз | 19 | 8 | 9–12 және 16–19 наурыз |
20–28 наурыз* | 9 | 2 | 25 және 26 наурыз |
1–10 мамыр | 10 | 3 | 4–6 мамыр |
3–6 шілде* | 4 | 1 | 5 шілде |
16–19 желтоқсан | 4 | 1 | 17 желтоқсан |
1–10 қаңтар*
Демалыс күндері
10
Еңбек демалысының қанша күні кетеді?
3
Қай күндерді жұмыстан еңбек демалысын алу керек?
5, 6 және 8 қаңтар
6–15 наурыз
Демалыс күндері
10
Еңбек демалысының қанша күні кетеді?
4
Қай күндерді жұмыстан еңбек демалысын алу керек?
9–12 наурыз
13–24 наурыз
Демалыс күндері
12
Еңбек демалысының қанша күні кетеді?
4
Қай күндерді жұмыстан еңбек демалысын алу керек?
16–19 наурыз
6–24 наурыз
Демалыс күндері
19
Еңбек демалысының қанша күні кетеді?
8
Қай күндерді жұмыстан еңбек демалысын алу керек?
9–12 және 16–19 наурыз
20–28 наурыз*
Демалыс күндері
9
Еңбек демалысының қанша күні кетеді?
2
Қай күндерді жұмыстан еңбек демалысын алу керек?
25 және 26 наурыз
1–10 мамыр
Демалыс күндері
10
Еңбек демалысының қанша күні кетеді?
3
Қай күндерді жұмыстан еңбек демалысын алу керек?
4–6 мамыр
3–6 шілде*
Демалыс күндері
4
Еңбек демалысының қанша күні кетеді?
1
Қай күндерді жұмыстан еңбек демалысын алу керек?
5 шілде
16–19 желтоқсан
Демалыс күндері
4
Еңбек демалысының қанша күні кетеді?
1
Қай күндерді жұмыстан еңбек демалысын алу керек?
17 желтоқсан
* — оқушылардың каникулына сәйкес келетін күндер. Бұл кезде бала-шағамен бірге саяхаттауға болады.
Ал басқа күндерді таңдасаңыз, балаңыз сабақтан қалуы мүмкін. Мысалы, мамырда — үш күн, наурыздың ортасында — төрт күн, желтоқсанда — бір күн сабақ уақытына сәйкес келеді.
2027 жылы ең аз жұмыс күні қаңтар, наурыз бен мамырда — әрқайсында 18 күн. Ал сәуір, маусым, тамыз, қыркүйек, қараша мен желтоқсанда 22 күн жұмыс істейміз.
Мереке күндеріне ұшақ билетін қашан алған дұрыс?
Билетті қашан сатып алған тиімді екені жыл мезгілі мен бағытқа байланысты. Мұны арзан ұшақ билетін сатып алу туралы нұсқауымызда кеңірек түсіндіргенбіз. Ал төменде 2027 жылғы ұзақ демалыстарға арналған қысқаша кеңестерді жинадық.
Қаңтардағы демалыс
Aviasales.kz 2025 жылғы 15 желтоқсан мен 2026 жылғы 15 қаңтар аралығындағы рейстердің бағасын талдап шыққан. Сол деректерге сүйенсек, билетті мына уақытта алған тиімді болады:
- Тайландқа — ұшуға екі ай қалғанда;
- БАӘ-ге — 40 күн қалғанда;
- Қытайға — 20 күн қалғанда;
- Вьетнамға — 15–20 күн қалғанда;
- Қазақстан ішіндегі рейстерге — мүмкіндігінше ертерек.
Ал Жаңа жылдан кейін ұшатын болсаңыз, билетті екі апта бұрын да алуға болады. Мереке жақындағанда баға қалай өзгеретінін және билет алуға кешігіп қалсаңыз не істеу керегін бөлек мақалада жаздық.
Наурыз бен мамырдағы демалыс
- Қазақстан ішіндегі рейстерге — кемінде екі ай бұрын, ең дұрысы 100 күн бұрын;
- Түркияға — 20–40 күн бұрын;
- Қытайға — 10–30 күн бұрын;
- БАӘ-ге — тіпті бір апта бұрын да алуға болады.
Мысалы, 20 наурызда Қазақстан ішінде ұшуды жоспарлап отырсаңыз, билетті 2026 жылғы 10 желтоқсан шамасында алған тиімді. Ал екі ай бұрын алу үшін 19 қаңтарға дейін сатып алған дұрыс.
Астана күні, шілде
- Қазақстан ішіндегі рейстерге — 80 күн бұрын, кемінде екі ай бұрын;
- Түркияға — 20–30 күн бұрын;
- БАӘ-ге — бір жарым-екі ай бұрын;
- Қытайға — 30–35 күн бұрын.
Республика күні, қазан
- Қазақстан ішіндегі рейстерге — екі жарым ай бұрын;
- Еуропаға — 30–40 күн бұрын;
- Қытайға — шамамен бір ай бұрын.
Тәуелсіздік күні, желтоқсан
- Қазақстан ішіндегі рейстерге — екі жарым-үш ай бұрын;
- Еуропаға — 22–27 күн бұрын;
- Оңтүстік-Шығыс Азияға — 20–30 күн бұрын.
Егер сапар күнін белгілеп қойып, бірақ қайда барарыңызды әлі шешпесеңіз, Aviasales.kz сайтындағы Арзан билеттер картасын ашыңыз. «Кез келген бағытқа» дегенді таңдасаңыз, ұзақ демалыста қай жаққа арзанға барып қайтуға болатынын көресіз.
Ал билет алуға қолайлы уақыт өтіп кетсе, ұнаған рейсті Таңдаулыларға қосып қойыңыз. Бағасы өзгергенде сізге хабарлама келеді.
Жиі қойылатын сұрақтар
2027 жылы Қазақстанда қанша күн демаламыз?
Бес күндік жұмыс аптасында 118 демалыс пен мереке күні, 247 жұмыс күні болады.
2027 жылғы Жаңа жылда қанша күн демаламыз?
1–4 қаңтар аралығында төрт күн демаламыз. 7 қаңтарда, православ Рождествосында тағы бір демалыс болады.
2027 жылғы Наурызда қанша күн демаламыз?
20–24 наурыз аралығында қатарынан бес күн демаламыз.
2027 жылы 30 тамыз демалыс күні ме?
Жоқ. Жаңа Конституция қабылданғаннан кейін Конституция күні 15 наурызға ауыстырылды. Сондықтан 30 тамыз әдеттегі жұмыс күні болады.
2027 жылы Құрбан айтта демаламыз ба?
Құрбан айттың бірінші күні 16 мамырға, жексенбіге түседі. Бұл мерекеде демалыс күні ауыстырылмайды, сондықтан қосымша демалыс берілмейді.