Балаға ұшақ билетін қалай сатып аламыз?
Жас саяхатшымен бірге жолға шығарда нені дайындап қою керегін айтамыз.
Балалар тарифін түсінген кейде оңайға соқпайды: әр әуе компаниясының ережесі әртүрлі және ұшатын жеріңізге қарай (басқа қалаға не елге) байланысты сома өзгере береді. Кейде баланың билеті тегін болса, кейде ересек адаммен бірдей ақша төлеуге мәжбүр боласыз. Баламен жолға шыққан сайын билет ақысы қанша болады, оған бөлек орын беріле ме деген сауалдар мазалап жүрсе, бұл мақала сізге арналады.
Балаға ұшақ билетін алу керек пе?
Иә. Енді туған шақалаққа да билет алуыңыз керек. Ол әдетте сіздің билетіңізбен бірге жүреді. Бала екіге толмаған болса, оған көбіне ақы төлеудің қажеті жоқ (не төлемі өте аз болады).
Қай жастан бастап балаға толықтай бөлек билет аласыз?
Бұл әуе компаниясына байланысты: әдетте, халықаралық рейстерде 12 жасқа дейін, ал ел ішінде 15 жасқа дейін жеңілдіктер қарастырылады. Алайда кейбір әуе компаниялары (негізінен лоукостерлер) екі жастан бастап толық ақы төлеуді талап етеді.
Балаға ұшақ билетін қалай сатып алуға болады?
Ең оңайы — онлайн сатып алу. Билетті Aviasales.kz сайтынан не қосымшасынан алсаңыз, «Жолаушылар» бөлімінде балаңыздың жасын көрсетуіңіз керек — «сәби (0–2 жас)» немесе «бала (2–12 жас)». Бір ересек адам өзімен бірге екі жасқа дейінгі тек бір ғана баланы алып жүре алатынын ескеріңіз. Ал екі жасқа толмаған бірнеше бала болса, онда брондауда ересектер саны да соған сәйкес болуы керек.
Брондауға келгенде әр әуе компаниясының өз ерекшелігі бар. Мысалы, Air Astana сайтында балалар билетін алу үшін сату кеңселеріне, WhatsApp консультанттарына не Брондау орталығына хабарласу керек деп жазылған. FlyArystan-да екі жасқа дейінгі балалар билетін телефон қосымшада қосуға болады, ал үлкенірек балаларға Контакт-орталық арқылы ресімдеу керек.
Бала өзі ұшса
Баланы алты жастан бастап жолға жалғыз жіберуге болады. Бұл — арнайы ақылы қызмет (Қазақстан бойынша шамамен 8 000–9 000 теңге, ал халықаралық рейстерде 25 000–30 000 теңге тұрады). Әуе компаниясы бұл уақытта балаға өзі қарайды.
Билет алғаннан кейін қызметті растау үшін әуе компаниясымен хабарласыңыз. Сізге баланың туу туралы куәлігінің түпнұсқасы мен паспорты (шетелге ұшса), (шығарып салушы мен қарсы алушының байланыс деректері жазылған) өтініштің төрт данасы және ата-ананың нотариалды келісімі. Ал күтіп алушы жеке куәлігін өзімен бірге ала шығуы керек — онсыз баланы бермейді.
Билет алғаннан кейін баланы билетке қалай қосуға болады?
Бәрі әуе компаниясына байланысты. Мысалы, FlyArystan-да билетті «Менің сапарларым» бөліміндегі қосымша арқылы өз бетіңізше қосуға болады. Бірақ көп жағдайда консультанттармен (WhatsApp не колл-орталық арқылы) байланысқан дұрыс. Тіпті билетті басқа жерден (делдалдан) алған болсаңыз да, әуе компаниясының өзіне тікелей хабарласқан жөн.
Балаға ұшақ билеті қанша тұрады?
Екі жасқа дейінгі сәбилер көбіне тегін не 90% жеңілдікпен ұшады. Жасы үлкенірек балаларға (11–14 жасқа дейін) әдетте 25%-дан 50%-ға дейін жеңілдік болады.
Әуе компаниясы | Жеңілдік (ішкі рейстер) | Жеңілдік (халықаралық рейстер) |
|---|---|---|
Сәбилер — тегін, 2-14 жас аралығы — 50%. | Қазақстаннан шетелге және кері: сәбилер — тегін, 11 жасқа дейін — 50%. Ауысып ұшқанда: сәбилер — 90%, 11 жасқа дейін — 25%. | |
Сәбилер — тегін, 2-14 жас аралығы — 50%. | Қазақстаннан шетелге және кері: сәбилер — тегін, 2-14 жас аралығы — 50%. Жеңілдік алу үшін билет алар алдында Контакт-орталыққа хабарласыңыз. | |
Сәбилер — тегін, 2-14 жас аралығы — 50%. | Қазақстаннан шетелге және кері: сәбилер — тегін, 2-14 жас аралығы — 50%. | |
Сәбилер — тегін, 2-14 жас аралығы — 50%. | Қазақстаннан шетелге және кері: сәбилер — тегін, 2-14 жас аралығы — 50%. | |
— | Бекітілген сома: сәбилер — 7000-нан 12 000 теңгеге дейін, 2-12 жас аралығы — 10%. | |
— | Сәбилер мен балаларға әдетте 10% жеңілдік жасалады. | |
— | Сәбилер — 10%, 2-12 жас аралығы — 10%. |
Жеңілдік (ішкі рейстер)
Сәбилер — тегін, 2-14 жас аралығы — 50%.
Жеңілдік (халықаралық рейстер)
Қазақстаннан шетелге және кері: сәбилер — тегін, 11 жасқа дейін — 50%. Ауысып ұшқанда: сәбилер — 90%, 11 жасқа дейін — 25%.
Жеңілдік (ішкі рейстер)
Сәбилер — тегін, 2-14 жас аралығы — 50%.
Жеңілдік (халықаралық рейстер)
Қазақстаннан шетелге және кері: сәбилер — тегін, 2-14 жас аралығы — 50%. Жеңілдік алу үшін билет алар алдында Контакт-орталыққа хабарласыңыз.
Жеңілдік (ішкі рейстер)
Сәбилер — тегін, 2-14 жас аралығы — 50%.
Жеңілдік (халықаралық рейстер)
Қазақстаннан шетелге және кері: сәбилер — тегін, 2-14 жас аралығы — 50%.
Жеңілдік (ішкі рейстер)
Сәбилер — тегін, 2-14 жас аралығы — 50%.
Жеңілдік (халықаралық рейстер)
Қазақстаннан шетелге және кері: сәбилер — тегін, 2-14 жас аралығы — 50%.
Жеңілдік (ішкі рейстер)
—
Жеңілдік (халықаралық рейстер)
Бекітілген сома: сәбилер — 7000-нан 12 000 теңгеге дейін, 2-12 жас аралығы — 10%.
Жеңілдік (ішкі рейстер)
—
Жеңілдік (халықаралық рейстер)
Сәбилер мен балаларға әдетте 10% жеңілдік жасалады.
Жеңілдік (ішкі рейстер)
—
Жеңілдік (халықаралық рейстер)
Сәбилер — 10%, 2-12 жас аралығы — 10%.
Балаға билет алу үшін қандай құжаттар керек?
Қазақстан бойынша
Ел ішінде құжат жағы оңай: туу туралы куәліктің түпнұсқасы қажет. Егер жасөспірім 16 жасқа толса, жеке куәлік керек. Айтпақшы, eGov-тағы цифрлық құжаттар да қағаз құжатпен тең қабылданады.
Шетелге
Халықаралық рейстерге тек туу туралы куәлік емес, паспорт та міндетті.
Бала жалғыз ұшса
Құжаттарды түгендеңіз: туу туралы куәлік, ересексіз ұшатын балаға арналған сауалнама-өтініш (оны әуе компаниясының сайтынан табасыз) және нотариалды сенімхат. Баратын жерде немересін әжесі күтіп тұрса да, сенімхатсыз баланы оған бермейді.
Жиі қойылатын сұрақтар
Балаларға жеңілдіктер бар ма?
Иә. Ел ішінде сәбилер тегін, ал 2-12 жастағылар шамамен 20–50% жеңілдікпен ұшады. Шетелге ұшқанда жеңілдіктер азырақ демесеңіз, әйтеуір ересектің билетімен бірдей емес.
Арбаны қалай алып жүруге болады?
Қазақстандағы біраз әуе компаниясы (Air Astana, FlyArystan, SCAT) бес жасқа дейінгі балалардың арбасын қол жүгінде де, багажда да тегін алып жүруге рұқсат береді.
Ұшу кезінде бала 2 жасқа толса, билет алу керек пе?
Жүйе ұшатын күндегі жасты есептейді. Егер туған күн ұшатын күнмен тұспа-тұс келсе, сәби ресми түрде «бөпе» (Infant) емес, «бала» (Child) деп саналады, сондықтан соған сай билет алу керек болады.
Құжатсыз билет алуға бола ма?
Жоқ, мүмкін емес. Туу туралы куәлік (немесе eGov-тағы құжат) баланың жасын, жеке басын және сізбен туыстығын растауға керек. Ал шетелге паспортсыз ұша алмайсыз.
Саяхатшыларға кеңес
Режимге бейімделіңіз. Егер жол қысқа болса, күндізгі ұйқы уақытын таңдаңыз. Егер ұзақ жол болса, түнде ұшқан дұрыс — бала жол бойы ұйықтап баруы мүмкін.
Жағдайды бақылаңыз. Ұшуға бір тәулік қалғанда баланың билет мәртебесін тексеріңіз. Бәрі дұрыс екеніне көз жеткізгеніңіз жақсы, әйтпесе әуежайда тіркеу кезінде қиындық тууы мүмкін.
Ең кішкентайларға жайлылық. Егер балаңыз 6 айға толмаса, шағын бесік брондап көріңіз. Ол үшін бірінші қатардағы орынды таңдау керек. Бесік саны шектеулі, сондықтан алдын ала хабарласыңыз.
Уақытылы келіңіз. Егер балаңыз жалғыз ұшып бара жатса, әуежайға кем дегенде екі сағат бұрын келіңіз. Құжаттар мен сауалнамаларды тексерген уақыт алады, сондықтан тіркеуден кейін қағазбен шыр-пыр боп жүгіргеннен гөрі, тыныш кофе ішіп отырған әлдеқайда жақсы.
Суретті салған — Дада Кирей.
