Неліктен ұшаққа мінетін «көпір» қойылмай, автобуспен баруға тура келеді
Спойлер: бәрі уақыт пен ақшаның әсерінен.
Әрбір саяхатқа шыққан жан «автобусқа мінбей-ақ, ұшаққа “көпір” арқылы кірсек қой» деп ойлаған шығар. Әсіресе сыртта -30, ал үстіңде тек жеңіл жейде мен шолақ шалбар болған кезде. Ойлап қарасақ, міне «көпір», міне ұшақ — екеуін бір-біріне қарай жылжытсақ, бәрі де риза болар еді! Бірақ бұл сіз ойлағандай оңай емес.
Неліктен ұшаққа телетрап қоймауы мүмкін
Қысқасын айтқанда, телетрап («көпірдің» кәсіби атауы) екі себепке байланысты қойылмайды: уақыт және ақша. Көп жағдайда ұшақ келесі рейске 20-30 минуттан кейін аттануы керек (ал қызметкерлерге техникалық тексеріс өткізіп, салонды жинап, басқа жолаушыларды кіргізіп үлгеру керек), сондықтан телетрапқа қарай жылжуға, оған түйісуге, ал кейін кері қайтуға мүлдем уақыт қалмайды.
Қаржы мәселесі де маңызды рөл ойнайды. Телетрапты жалға алу үшін ақша төлеу керек. Жылжытатын адамға да, тұрақтағы орынға да, мамандардың қызметі үшін де шығындалу қажет. Бірақ мәселе авиакомпаниялардың сараңдығында емес (дегенмен, ойландыратын сұрақ), бірінші кезекте бұның бәрі жолаушылардың қамы үшін — шығынның көбеюі ұшақ билеттері бағасының өсуіне алып келеді. Сондықтан лоукостерлер телетраптан бас тартып, сіздерді ұшаққа дейін автобуспен апарады.
Техникалық тұстары да бар
Шағын әуежайда телетрап тіпті болмауы да мүмкін (тым кішкентайларында автобустың өзі жоқ, терминалға жаяу барып, жаяу кері келесің), бірақ күніне жүз рейске дейін қабылдай алатын халықаралық хабтарда да телетрап көп емес. «Көпір» үнемі бақылауда ұстап, біраз күш пен ақша талап ететін механизм болғандықтан оны көптеп тұрғызу қиын болар еді. Оның бәрін сыйғызатын орын да жоқ. Олар бұзылып қалуы мүмкін екенін де ұмытпаймыз.
Ұшақтардың конструкциясы да маңызды — шағын модельдеріне телетрап қою мүмкін емес. Ал кейбір ұшақтардың екі есігі бар, сондықтан мүмкін болған күннің өзінде екі телетрапты әкелу қиынға соғар еді. Авиакомпания үшін екі кәдімгі трап және екі автобустың көмегімен жолаушыларды тасу әлдеқайда тез (әрі арзан!) — жолаушылардың өзіне де осылай ыңғайлы.
Ойымызға кіріп-шықпайтын себептер де болып жатады. Мысалы, сіз халықаралық рейспен ұшып келдіңіз делік, келесі ұшақ ел ішінде ұшатын болады — телетрап қоятын уақыт жоқ, басқа терминалға бару керек. Немесе барлық телетрап бос емес. Немесе олар борттың орнын басқасы алып қойып, кешігіп келуіне байланысты бос емес. Немесе ұшаққа ұзақ уақыт тұраққа тұру керек, кейін ол бірден сонда қарай аттанады.
Автобус емес, «көпір» болсын!
Бұған ешқандай кепілдік жоқ, алдын ала білу де қиын (білкім, тіркеу кезінде сұрап алуға болатын шығар, бірақ автобус келеді дегенді естігенде билетті кері қайтаруыңыз екіталай). Дегенмен, халықаралық рейспен ұшып, ұшағыңыз лоукостер болмаса, «көпірмен» жүретін мүмкіндік артады. Ұшақ көлемі де (демек, жолаушы саны да) маңызды — тым болмаса осы тұста бұл сөздің жаны бар болғаны ғой.
