Көркем Алматы: көрнекті және қызықты орындар
Алматының түндері-ай!
Алматы – сан қырлы қала. Мұнда заманауи өнер көрмесіне де, тауға шығуға да, балық аулауға да, қарлы шыңдарға керемет көрініспен кешкі ас ішуге болатын қала. Қайда және қалай баруға болатынын оңай шешу үшін, оңтүстік астананың басты және қызықты орындарын санаттарға бөліп сіздерге ұсындық.
Алматының басты көрікті орындары: базарлар, кешендер мен музейлер
Алматының ерекше атмосферасына еніңіз — бір күннің ішінде Панфилов жаяу жүргіншілер көшесімен серуендеп, Көк базарда қымыздан дәм татып, кешкісін Көк-Төбеге шығып, қаланың ғажайып көрінісін тамашалауға болады. Егер Алматының барлық сұлулығын асықпай сезінгіңіз келсе, көрікті жерлерді аралауға кем дегенде 4–5 күн арнаған жөн.
«Медеу» спорт кешені
күзгі Медеу
Медеу қасындағы техникалық бассейн
Қалай жетеміз: «Қазақстан қонақүйі» аялдамасынан № 12-ші автобусқа мінеміз (Достық-Құрманғазы көш. қиылысы)
Бағасы: бағасы аптаның күніне және сеанс уақытына байланысты өзгереді. Қазір мұз айдыны жабық, 2025–2026 маусымының бағалары әлі жарияланған жоқ. Билеттерді онлайн сатып алған дұрыс: сайттан немесе банк қосымшасы арқылы.
Алматыда болып, бірақ Медеуге бармаған болсаңыз - демек сіз қаланың нағыз ғажабын көрген жоқсыз. Аңызға айналған бұл мұз айдыны теңіз деңгейінен 1691 метр биіктікте орналасқан. Коньки теппесеңіз де, мұндағы ерекше атмосфераны сезініп, асқақ таулардың қасында суретке түсу үшін де баруға болады.
Қарашаның соңынан наурыздың басына дейін конькиді жалға алып, заттарыңызды сақтау камерасына қалдырып, мұз үстіне шыға аласыз. Ал жаз мезгілінде мұз айдыны жұмыс істемейді. Алайда осы уақытта Медеу жаяу серуендер басталатын негізгі нүктеге айналады. Осы жерден Горельникке, Шымбұлаққа және Фурманов шыңына баратын бағыттар басталады.
«Шымбұлақ» тау-шаңғы курорты
Шымбұлақтан ашылатын көрініс
дәмханалардың сыртқы алаңы
қысқы Шымбұлақ
Қалай жетеміз: Тағы да № 12-ші автобусқа мініп, «Шымбұлақ» аялдамасынан түсеміз. Ары қарай аспалы жолмен көтерілу керек.
Бағасы: Ересектер үшін - 7500 теңге, балаларға 4500 теңге. Таңертең ертерек барған дұрыс, әсіресе демалыс күндері.
Шымбұлақ — Орталық Азиядағы ең танымал тау-шаңғы курорттарының бірі. Бұл жер туристердің де, алматылықтардың да сүйікті демалыс орны. Мұнда түрлі деңгейдегі шаңғы жолдары, аспалы жолдар, жабдықтарды жалға беру пункттері мен беткей етегіндегі жайлы дәмханалар бар. Қыста - шаңғы тебу үшін, ал жазда - серуендеп, суретке түсіп, ыстықтан бой тасалау үшін таптырмас орын. Жыл бойы жұмыс істейтін аспалы жолмен 3200 метр биіктікке көтерілуге болады. Осы «самая вышка»-дан таулардың әсем көрінісі ашылады.
Тау бөктерінде жазда да салқын, жылы киім ала барыңыз.
Көк-Төбе демалыс саябағы
Қалай жетеміз: Республика сарайынан (Абай мен Достық көшелерінің қиылысы) аспалы жолмен көтерілуге болады, қасында билет кассасы орналасқан.
Бағасы: жоғары көтерілу және төмен түсу - ересектерге шамамен 8 000 теңге, балаларға 4 000 теңге тұрады. Билеттерді алдын ала онлайн немесе кассадан алған жөн.
Көк-Төбе — аттас таудың шыңында орналасқан саябақ. Ол жаққа Республика сарайынан аспалы жолмен жетуге болады. Төбесінде — бақылау алаңы, аттракциондар, дәмханалар, шолу дөңгелегі, шағын зоопарк бар.
Тәуелсіздік монументі
Монумент Республика алаңында орналасқан. Бұл - қанатты барыс пен «Алтын адам» бейнеленген стела. Жанында 1986 жылғы желтоқсан оқиғасына арналған ескерткіш пен 2022 жылғы қаңтар оқиғасынын құрбандарына арналған мемориал бар.
Егер күн ыстық болса, әкімшіліктің екі жағындағы субұрқақтардың көлеңкесінде серуендеп, немесе сәл жоғары көтеріліп, Тұңғыш Президент қоры саябағына баруға болады. Сондай-ақ Орталық мемлекеттік мұражайға кіруге болады. Баларымен бірге жүргендер үшін алаңда жақсы ойын алаңы мен балмұздақ сататын дәмхана бар.
Көк базар
Бұл қаланың ең көне сауда орындарының бірі. Көк базардың алғашқы сауда қатарлары 1868 жылы, Алматы Верный деп аталған кезде ашылған. Содан бері бұл жер жергілікті тұрғындар мен туристер үшін ең сүйікті орындардың біріне айналды. Мұнда маусымдық жемістер мен қолдың жылқы етінен бастап, тақия мен камзолға дейін бәрін табуға болады. Төменде бізден сізге сатып алуға тұрарлық «рекомендасьон.
Көк базардан ненің дәмін татып, сатып алуға болады?
- Шығыс тәттілері: шербет, алуа, кептірілген жемістер.
- Жергілікті тәттілер: «қазақша рафаэлло» түрлері және ірімшік (сиыр, ешкі немесе қой сүтінен жасалатын жартылай қатты ірімшік).
- Әртүрлі жылқы еті: дәстүрлі, қақталған немесе анар шырынында маринадталған.
- Жергілікті алманың түрлері: «Апорт», «Золотое превосходное», «Іле-Алатаулық» - әр талғамға сай алма табылады.
- Құйылып сатылатын балғын зәйтүн майы. Грек тауарлар сөресі павильонның бірінші қабатында, сол жақ бетінде орналасқан.
- Жергілікті өндірістен шыққан бірегей тұнбалар мен шөп қоспалары.
Дүйсенбі күндері қаладағы барлық базар жұмыс істемейді
Ә. Қастеев атындағы мемлекеттік өнер музейі
Бағасы: ересектерге - 500 теңге, студенттер мен зейнеткерлерге - 300 теңге, оқушыларға - 200 теңге. Ай сайынғы әр үшінші жексенбіде тұрақты экспозицияға кіру тегін.
Бұл қаланың ең үздік мұражайларының бірі деп айтсам, қателеспеймін. Ол 70-жылдары ашылып, 1984 жылы Әбілхан Қастеевтің есімі берілген. Мұражай топтамасында 26 000-нан астам экспонат бар: картиналар, кілемдер, гобелендер, зергерлік бұйымдар. Мұнда көрмелер, дәрістер, дөңгелек үстелдер өткізіледі. Экскурсияға тапсырыс беруге немесе жай ғана аралап көруге болады. Кестені ресми сайттан тексерген дұрыс - афиша үнемі жаңартылып отырады.
28 гвардияшы-панфиловшылар саябағы
Осы қалалық Орталық саябақта Ұлы Отан соғысы батырларына арналған мемориал мен Мәңгілік алау орнатылған. Саябақтың hidden gem-ы - Вознесенск соборы. XX ғасырдың басында салынған бұл шіркеу тіпті жер сілкінісіне де төтеп берген. Ішінде — ағаш күмбездер мен витраждар бар.
Саябақта аттракциондар бар, сондай-ақ жәрмеңкелер өтеді. Жанды музыканы да тыңдай аласыз. Жаз мезгілінде тәтті мақта сатылады, сосын ашық аспан астында шахмат пен волейбол ойнауға болады.
Arasan Wellness & SPA монша-сауықтыру кешені
Бағасы: уақытқа қарай 3000 мен 7800 теңге аралығында.
Егер аспанды күңгірт бұлттар қаптаса не қаланың қарбаласынан сәл демалғыңыз келсе, сүлгіңізді, шәркейіңізді алып, Arasan Wellness & SPA-ға бет алыңыз. Бұл жай ғана қоғамдық монша емес, Алматының дәл ортасында орналасқан нағыз монша сарайы. Ішінде: орыс бу бөлмесі, фин саунасы және шығыс стиліндегі хамам мен түрік моншасы бар. Жалғыз өзіңіз, екеулеп немесе достарыңызбен барсаңыз да болады. Мұнда ортақ және бөлек аймақтар қарастырылған. Егер жай ғана «буға түскіңіз» келмей, ерекше әсер алғыңыз келсе - массаж, орау, күтім рәсімдері мен ванна қызметтеріне тапсырыс беруге болады.
Арбат
Кез келген ірі қаладағыдай Алматыда да басты жаяу жүргіншілер көшесі бар - бұл Жібек Жолы даңғылы. Халық арасында ол Арбат атауымен танымал. Нақтырақ айтсақ, ол Жібек Жолы мен Панфилов жаяу жүргіншілер көшелерінен тұрады. Мұнда көше концерттері, жәрмеңкелер, мектеп флешмобтары мен шахмат турнирлері өтеді. Айналасында дәмханалар, кітап дүкендері, субұрқақтар бар, сонымен қатар көше музыканттарын тыңдауға болады.
Белсенді демалыс: таулар, шаңғы тебу және Алатау бөктерінде балық аулау
Медеу, Көк-Төбе, Шымбұлақ - бұл міндетті бағдарлама болғандықтан, біз бұл орындарды негізгі көрікті жерлер бөліміне қостық. Ал одан кейінгі бөлімде біз нағыз белсенді демалыс туралы баяндаймыз: кемпинг, спорт және балық аулау.
Горельник шатқалы
Қалай жетеміз: Медеуге дейін №12 автобуспен әрі қарай жаяу
Бағасы: тегін. Сусындар мен тағамдар - 1000 теңгеден бастап.
Егер термалді бұлақта шомылып, екі сарқыраманы көріп, әсеріңізді салқын лимонадпен немесе мұзды кофемен бекіткіңіз келсе, Горельник сіз үшін таптырмас орын.
Қала тұрғындарының сүйікті рәсімдерінің бірін қайталаңыз: алдымен №12 автобуспен не таксимен Медеуге дейін жетіп алыңыз. Содан кейін «Денсаулық баспалдағымен» көтеріліп, Apa Katya не Sarysai coffee дәмханаларына дейін серуендеп барыңыз. Егер түскі уақытқа келсеңіз,палаудың ашылуына үлгеруіңіз мүмкін.
Ыңғайлы аяқ киім, бас киім, су мен SPF алуды ұмытпаңыз.
Одан кейін таудың және жылы сумен толтырылған шомылу орындарына баруға немесе сарқырамаларға аттануға болады. Жолға шамамен бір сағаттай кетеді. Ол орман арқылы өтеді, көтерілістер мен төмендеулер бар, бірақ айналадағы көріністер таңғажайып. Көктем мен жазда сарқырамалар толықсып ағады. Күзде де бұл жердің әсемдігі көздің жауын алады. Ал қыста шатқал мұзбен көмкеріліп, ертегіге айналады.
Аюсай визит-орталығы
Қалай жетеміз: такси не экскурсиямен.
Егер уақытыңыз аз болса, бірақ тауға шыққыңыз келсе - бұл тамаша таңдау. Визит-орталық Іле-Алатау ұлттық паркінің аумағындағы шатқалда орналасқан. Ол қаланың орталығынан небәрі 30 минуттық жерде.
Мұнда флора мен фауна туралы көрмені тамашалап, қонжықтар бейнеленген мерч сатып алуға, қысқа фильмдер көруге болады. Одан кейін көпірлері мен панорамалық көріністері бар ыңғайлы жолмен серуендей аласыз. Жеңіл хайкинг пен толық қайта жандану.
Панорама немесе Көк Жайлау
Көк Жайлауға дол
вид на холмы
Көк Жайлаудан ары қарай
Қалай жетеміз: Ақбұлақ аялдамасына дейін таксимен немесе №12 автобуспен жетіп аламыз, әрі қарай жаяу көтерілеміз.
Бұларды Алматы маңындағы ең танымал хайкинг бағыттары деп айтсақ, қателеспейміз. Бірақ жолға жақсылап дайындалып, серіктермен бірге шыққан жөн. Жергілікті тұрғындар қысқа жолдарды жақсы біледі әрі жақсы бағдарлайды.
«Панорамада» фотоға түсіп, тамақтанып, демалуға болады. Дәл осы орында алматылықтардың фотоларынан жиі көруге болатын әткеншектер қойылған. Ал жандары көбірек дүниені қалайтындарға - Фурманов шыңына (3 053 м) көтерілуді ұсынамыз. Дайын болыңыздар: соңғы бөлік тік және тасты.
Білген дұрыс:
- Бақылау алаңына дейін орташа қарқынмен 1,5-2 сағат жол.
- Шыңға дейін барып-қайтуға 5-6 сағат қажет.
- Жарық барда қайтып үлгеру үшін таңертең ерте (сағат 6-7-де) шыққан дұрыс.
Алматы маңындағы тағы бір танымал хайкинг орны - Көк Жайлау. Ақбұлақтан бастап шамамен 2,5-3 сағаттық көтерілуден кейін сіз таулар мен қаланың керемет көрінісі ашылатын үстіртке жетесіз. Міндетті түрде тіскебасарлар, термос және молынан су алыңыз.
Талғардағы алабалық шаруашылығы
Егер алматылықтар «алабалыққа барайық» десе, олар мейрамханаға шақырып жатқан жоқ. Жергіліктілер арасында ең танымал орындардың бірі — Талғарда орналасқан алабалық шаруашылығы.
Бұрын мұнда жай ғана балық өсірілсе, ал қазір бұл жер толыққанды кешенге айналды. Мұнда қармақтар жалға беріледі. Олжаны аспазға тапсырып, 15 минуттан кейін қытырлап піскен балықты құмарлана жеуге болады. Сондай-ақ осы жерде хауыз, сауна, киіз үйлер, банкет залы, тіпті балаларға арналған аквапарк те бар.
Қалай жетеміз: таксимен, қаладан 40 минуттай уақыт алады.
Бағасы: балық аулау: алабалық - 6000 теңге, бекіре - 12000 теңге, балықты пісіру мен басқа қызметтер бөлек төленеді.
«Ақ Бұлақ» тау-шаңғы курорты
Қалай жетеміз: №224 автобус, такси немесе каршеринг.
Бағасы: тұрақтау - бір түнге 35 000 теңгеден бастап.
Бұл таулы курорт қарағайлармен, қайыңдармен және мүлгіген тыныштықпен қоршалған. Мұнда таза ауамен тыныстау, серуендеу, шаңғы тебу және емдік процедуралардан өту үшін келеді.
Айта кету керек, Ақбұлақтың танымалдылығы Шымбұлақтан төмендеу, бірақ дәл осы ерекшелігі – кезекте тұрғысы келмейтін, тыныштық пен оңаша демалысты қалайтын жандар үшін тартымды етеді. Мұнда демалыс үшін барлық жағдай жасалған: хауыз бен тұз шахтасы бар SPA, аспалы жол, йога мен тыныс алу жаттығуларына арналған залдар, мейрамхана және ат спорт кешені бар.
Oi-Qaragai (Лесная Сказка) тау курорты
Қалай жетеміз: Орталық стадионнан №210 автобуспен, әрі қарай бағдарлар бойынша
Бағасы: аспалы жол - 3500 теңге, белсенділіктер бөлек төленеді.
Белсенді демалуды жақсы көретіндердің сүйікті орны. Мұнда ат үсті серуен, зиплайн, трекинг, садақ ату, киіз үйлердегі этно-SPA, скалодром және аспалы жол бар. Осының бәрі Алматыдан 40 минуттық жерде.
Гурмандарға арналған ең үздік орындар: бауырсақ, лағман мен кофе
Алматыда еуропалық, Орта Азия және басқа да түрлі елдердің тағамдарын әзірлейтін көптеген мекеме бар, ал соңғы жылдары заманауи қазақ асханасын ұсынатын жаңа мейрамханалар көптеп ашылды, сондықтан әр жолы жаңа әрі қызықты нәрсе табуға болады.
Ұлттық және шығыс тағамдары
Auyl
Auyl
Sandyq
«Тюбетейка»
Sandyq. Бұл мейрамханада қазақ асханасы заманауи үлгіде ұсынылады. Мұнда ет (бесбармақ), тосаппен бірге берілетін бауырсақ пен түйе жапырағынан дайындалған шайдан (айсти) дәм татып көріңіз. Сондай-ақ мәзірде ерекше тағамдар бар: аршамен ысталған қазы, қаймаққа пісірілген қой жүрегі, талқаннан жасалған чизкейк.
AUYL мейрамханасында нео-номадтар асханасына баса назар аударылады. Мұнда тағамдар ашық отта, қазанда және тандырда дайындалады. Бас аспаздар жұмыс істейтін негізгі үш өнім — ет, ұн және су.
Paradise. Шығыс асханасын ұнататындарға арналған асханалар желісі. Мұнда ең танымал тағам - лағман: оның сегізден астам түрі бар, соның ішінде - майда туралған етпен дайындалған «сүйру», картоп қосылған үй лағманы, ащы гянбян цомян және гуйру лағман. Paradise филиалдары қаланың әртүрлі аудандарында орналасқан. Интерьері қарапайым әрі жайлы, бағалары қолжетімді. Бұл асханалар отбасылық түскі асқа да, достармен кездесуге де ыңғайлы.
«Тюбетейка». Кешкісін жанды музыка болатын, кілемдер мен тапшандары бар мейрамханалар желісі. Өзбек және қазақ тағамдары, мерекелік шоулар, үлкен порциялар мен шығыстық қонақжайлық - мұның бәрі осы шайхананың ерекшелігі.
Кофеханалар
Бұхар жырау көшесіндегі Vanilla
Қабанбай батыр көшесіндегі Vanilla
Конаев көшесіндегі Vanilla
Алматы жақсы кофе қандай болатынын біледі. Қалада көптеген керемет орындар бар. Ең танымал бірнешеуіне тоқталсақ:
Bowler. Голландиялық Матайс Олай 2016 жылы негізін қалаған. Бұл орын кофені қуыруға маманданған және түрлі сусын түрлерін ұсынады. Bowler-дің бір нүктесі тура Көк базарда орналасқан.
ICHI. Жапон стиліндегі, үй жануарларымен кіруге рұқсат етілген кофехана. Мұнда specialty-кофе мен көмірсуға мән беретіндерге арналған дәмді кето-десерттер ұсынылады.
Vanilla. Бішкекттік кофеханалар желісі. Бұл орын кофесімен қатар тәтті нан-тоқаштарымен танымал. Мәзірде еуропалық таңғы астар, сэндвичтер, боулдар мен сорпалар бар. Витринаға даршын қосылған дәмді өрілген бәліш, ірімшік қосылған тоқаштар мен түрлі тәттілер қойылған.
