Нағыз вип-қазақтар бизнес-класпен қандай елдерге ұшады?
Сафариге шығу не кенгуру көру үшін ғаламшардың басқа бір бұрышына неге ұшып бармасқа?
Біз, Demalys, саяхат туралы айтқанды ғана емес, түрлі статистикаға үңілгенді де өте жақсы көреміз. Өйткені олардың астарында үнемі түрлі қызық дерек пен көзге анық көрінбейтін трендтер жатады. Біз Aviasales.kz арқылы жасалған броньдарды талдап шығып, қазақстандықтар бизнес-класпен сирек ұша бастағанын байқадық (сұраныс 17 % төмендеген), бірақ азаматтар баға мәселесіне келгенде үнемшіл бола бастаған (орташа чек 1068 доллардан 893 долларға төмендеген).
Біз бұл материалда қазақстандықтар бизнес-класпен көбіне қайда ұшатынын, ең қымбат билеттер қанша тұратынын және қазір қай бағыттарға бизнес-класпен ұшқан тиімдірек екенін айтамыз.
Жұрт комфортпен көбіне қайда ұшады?
Қызығы сол — алғашқы үштікте ешқандай Мальдив те, Лазур жағалауы да жоқ. Бизнес-класс билетін көбіне іссапармен не жақынына бара жатқандар алатын сияқты. Мысалы, Мәскеу (2024 және 2025 жылдардың көшбасшысы). Немесе Ташкент бір жыл ішінде Дубайды басып озып, танымал бағыттар тізімінде екінші орынға шықты. Үшінші орында Дубай тұр. Бұл қала бизнеске де, естен кетпес демалысқа да қолайлы бағыт ретінде үздік үштіктен түспей келеді.
Біз офисте армандап отыратын билеттер
Ары қарай шолып отырып, Қазақстаннан сатып алынған бизнес-класс билеттерінің ішіндегі ең қымбаттарын әрі ең ерекше бағыттарды қарап шықтық.
- 2024 жылы: Астана — Виндхук (Намибия) бағытына сатылған — 6,3 млн теңге, Lufthansa.
- 2025 жылы: Астана — Сидней (Аустралия) — 5,8 млн теңге, Emirates.
Сафариге шығу не кенгуру көру үшін ғаламшардың басқа бір бұрышына неге ұшып бармасқа?
Осы деректерден түйгеніміз — қазақстандықтар кейінгі кездері практик бола түскен. Бизнес-класс бұрынғыдай статус пен сәннің көрсеткіші ретінде емес, маңызды іс не жайлы да тиімді демалыс үшін саналы түрде қолданылатын құралға айнала бастағандай.
Қай жаққа бизнеспен ұшқан тиімдірек бола түсті?
Кейінгі бір жылдағы деректерге сүйенсек, мына бағыттарға бизнес-класс билеттері біршама арзандаған:
Анталья. Биылғы маусымның жұлдызы! 2025 жылы Анталья төртінші орындағы Стамбұлды ығыстырды. Себебі Түркиядағы бұл курортқа бизнес-класс билеттері бір жылда 42,5 % арзандаған.
Пхукет. Жағажайда жоғары деңгейде демаламын дегендерге тағы бір тамаша бағыт. Бұл аралға жайлы ұшып жету бағасы биыл 21,5 пайызға төмендеген.
Баку. Жағажай емес, тарихы терең қалада қыдырғыңыз келіп жүрсе, сүйінші! Әзербайжан астанасына бизнес-класс билеттері 6 пайызға арзандапты.
Бизнес-класс билеттерін қымбатсынсаңыз, Aviasales.kz сайтынан тиімді ұсыныстар мен арзан билеттерді қарап көріңіз.
