Алматыда ауызашарға баратын жерлер
Біз тапқан жерлерден палау, паста не шырынды стейк жеп, десерттерге толы «швед үстелінен» қалағаныңызша дәм татуға болады.
19 ақпан күні қасиетті Рамазан айы басталды. Ниет қылып, ораза ұстаған әрбір адамға ауызашардың орны бөлек. Бұл — күн батқан соң жақындармен бір дастарқан басында бас қосып, дәмді ас ішіп, мәре-саре болатын ерекше сәт. Мұндай сәттерде тек тағам емес, айналадағы жайлылық пен көңіл тыныштығы да өте маңызды. Ауызашарды ерекше орында өткізгісі келетіндер көп болғандықтан, үстелді алдын ала брондап қоюға кеңес береміз.
Біз Алматыдағы қай дәмханалар мен мейрамханалардың оразаға орай арнайы мәзір дайындағанын және олардың қандай тағамдар ұсынатынын біліп көрдік. Ретімен баяндап берейік.
Navat
Мекенжайы: мейрамханалар желісі.
Бағасы: бір адамға 7 000 теңгеден басталады.
Жұмыс уақыты: 10:00-ден 00:00-ге дейін (кейбір филиалдары Рамазан айында тәулік бойы қызмет көрсетеді).
Байланыс: 8 (771) 931 11 11, @navat_almaty.
Бұл — қаланың әр ауданында филиалдары бар танымал мейрамханалар желісі. Мұнда тағамның молдығы мен тұрақты сапасы үшін келуге болады. Мәзірден пицца немесе еуропалық тағамдарды да таба аласыз, бірақ Navat-тың палауы, қуырдағы және ыстық бауырсағы көптің көңілінен шығады. Балаларға арнайы мәзір қарастырылған, сонымен қатар жеті филиалында балалар ойын бөлмесі бар. Мейрамханада ауызашарға арналған дайын сеттер жоқ, есесіне үстелді алдын ала брондап, тағамдарға алдын ала тапсырыс беруге болады. Сонда ауызашар уақытында тамақты күтіп қалмайсыз.
Paradise
Мекенжайы: қала бойынша мейрамханалар желісі.
Бағасы: бір адамға 7 000 теңгеден басталады.
Жұмыс уақыты: 11:00-ден 23:00-ге дейін. Рамазан айында ауызашарға дайындық мақсатында сағат 16:00 мен 17:00 аралығында үзіліс жасайды.
Байланыс: @paradise_qazaqstan.
Бұл — ұлттық тағамдарды ұсынатын, ел аузында жүрген танымал мейрамханалар желісі. Мұндағы қарапайым дизайн мен сапалы тағамдардың қолжетімді бағасы алматылықтарға қатты ұнайды. Бұл ауызашар өткізгенге де өте қолайлы жер. Әр филиалда намазхана бар. Қасиетті Рамазан айында келушілерге ауыз ашу үшін құрма мен су тегін ұсынылады. Егер ауызашарды осы жерде өткіземін десеңіз, үстелді алдын ала (бір-екі күн бұрын) брондап қоюға кеңес береміз, себебі кісі көп болады.
Rumi
Мекенжайы: Абылай хан даңғылы, 92а; Мақатаев көшесі, 127/1.
Сет бағасы: 5 500–7 500 теңге аралығында.
Жұмыс уақыты: 10:00-ден 00:00-ге дейін.
Байланыс: +7 701 830-11-79, @rumi_almaty.
Мұнда ұлттық және еуропалық тағамдардың ең таңдаулы түрлері ұсынылады. Егер палау, лағман, мәнті не ет жегіңіз келсе, осы жерге келіңіз. Ал жеңіл ас ішкісі келетіндерге мәзірде фрикасе не терияки тауығы бар. Rumi ауызашарға арнап екі түрлі арнайы мәзір дайындаған: Біріншісі — 5 500 теңгелік сет: салат пен сорпа немесе салат пен негізгі тағамнан тұратын комбо. Екіншісі — 7 500 теңгелік сет: салат, сорпа және негізгі тағамнан тұратын толық жиынтық. Әрбір сетке міндетті түрде бауырсақ, нан, самса, құрма, морс және десерт қоса беріледі.
Ходжа Насреддин
Мекенжайы: Алмагүл ықшамауданы, 4а.
Сет бағасы: 5 000–6 000 теңге аралығында.
Жұмыс уақыты: 12:00-ден 22:30-ға дейін.
Байланыс: +7 747 718-03-27, @hodja_nasreddin_almaty.
Өзбек пен шығыс тағамдарын ұсынатын бұл мейрамхана ауызашарға екі түрлі тойымды мәзір дайындаған: біріншісі — 5 000 теңгелік сет: сорпасы бар үй кеспесі, хан қуырдағы, нан, құрма, су және шай ұсынылады. Екіншісі — 6 000 теңгелік сет: мұның құрамы сәл молырақ — сиыр етінен жасалған түшпара сорпа, палау, ачичук салаты, сүзбе, бауырсақ және құрма мен шай кіреді. Егер бұл сеттер көңіліңізден шықпаса, негізгі мәзірден де таңдау жасауға болады. Онда қазан-кәуап пен сазаннан бастап, паста, рибай стейкі және бургерлерге дейін — бәрі бар.
Byblos
Мекенжайы: Достық даңғылы, 46.
Сет бағасы: 6 500 теңге.
Жұмыс уақыты: 12:00-ден 00:00-ге дейін.
Байланыс: +7 700 050-10-35, @byblos_almaty.
Ауызашар уақытында Шығыс Жерорта теңізінің тынысын сезінгіңіз келсе, Ливан, Грекия және Араб асханасы ұсынылатын бұл жерге міндетті түрде соғыңыз. 6 500 теңгелік ифтар мәзіріне мыналар кіреді: таңдауыңыз бойынша салат, хумус, фаттуш, еттен жасалған негізгі тағам, су, құрма, пита наны және морс. Бұл арнайы мәзірге 19 мамырға дейін тапсырыс беруге болады.
Мейрамхананың интерьерінен бастап тағамның берілуіне дейінгі әрбір детальға, эстетикаға ерекше мән берілген. Мысалы, десертке кішігірім өнер туындысына ұқсайтын «Афина үйінділерін» алдыртуға болады.
Sadu
Мекенжайы: Самал-3 ықшамауданы, 25.
Сет бағасы: 8 955 теңгеден басталады.
Жұмыс уақыты: 11:00-ден 00:00-ге дейін.
Байланыс: +7 701 915-77-00, @sadu_restaurant.
Құрамында караоке мен банкет залы бар бұл отбасылық италиялық мейрамхана ауызашарға арнап бірден төрт түрлі бағыттағы мәзір дайындады: қазақша, етті, балықты және италиялық сеттер. Әрбір жиынтыққа негізгі ыстық тағам, су, құрма және десерт кіреді. Бағалары 8 955 теңгеден басталады. Егер ифтар-сеттердегі тағамдар таңдауыңызға сай келмесе, мейрамхананың фирмалық пастасына, ризоттосына не грильде піскен балықтарына назар аударуды ұсынамыз. Мұндағы классикалық италиялық асхана жоғары деңгейде дайындалады.
Антрекот
Мекенжайы: Қажымұқан көшесі, 37.
Сет бағасы: 8 500–13 500 теңге аралығында.
Жұмыс уақыты: 11:00-ден 00:00-ге дейін.
Байланыс: +7 775 777-77-72, @entrecotekz.
Стейкті бабымен пісіретін бұл мейрамхана ауызашарға арнап екі түрлі мәзір ұсынды. Классикалық сет (8 500 теңге): жеңіл сорпа, салат, негізгі тағам, гарнир, сусын, құрма, су және бауырсақтарды қамтиды. Премиум ет мәзірі (13 500 теңге): қарны ашып келетіндерге. Мұнда крем-сорпа (немесе шорпа), «Цезарь» салаты, стейк (немесе қабырға еті) және гарнир беріледі. Десерт, шай, құрма және нан өнімдері қоса ұсынылады.
Degirmen
Мекенжайы: Қала бойынша мейрамханалар желісі.
Сет бағасы: 4 200–6 200 теңге аралығында.
Жұмыс уақыты: 07:00-ден 00:00-ге дейін.
Байланыс: +7 707 627-90-92, @degirmen_emsova.
Көпшілікке танымал бұл түрік асханасында 4 200-ден 6 200 теңгеге дейінгі аралықта төрт түрлі комбо-мәзір ұсынылады. Таңдауыңызға қарай ет немесе тауық етінен дайындалған классикалық тағамдарды, пастаның түрлерін (пенне арабьята немесе феттучини), табақтағы донерді немесе кебаб ассортиін алуға болады. Әрбір сетке әдеттегідей сорпа, салат, десерт, компот және нан кіреді. Тез, қарапайым әрі таныс тағамдар.
Bereket
Мекенжайы: Самал-2 ықшамауданы, 9.
Сет бағасы: 8 490–11 490 теңге аралығында.
Жұмыс уақыты: тәулік бойы.
Байланыс: +7 701 557-77-76, @bereket.almaty.
Мәзірі алуан түрлі тағамға толы бұл түрік мейрамханасы ауызашарға 11 490 теңгеден басталатын балық немесе ет сеттерін ұсынады. Жиынтық құрамында: сорпа (жасымық немесе тауық), жеңіл тағамдардың бес түрі, салат, мангалда піскен балық немесе ет, десерттер мен сусындар бар. Ал әртүрлі дәмнен ауыз тигісі келетіндерге 8 490 теңгеге фуршет дастарқаны қарастырылған. Тәттіге сүтті пахлаваны татып көруге кеңес береміз. Мейрамхананың үлкен артықшылығы — Dostyk Plaza маңында орналасқан әрі тәулік бойы жұмыс істейді, сондықтан кез келген уақытта кешкі асқа кіре салғанға өте ыңғайлы.
CoffeeBoom
Мекенжайы: Қала бойынша мейрамханалар желісі.
Сет бағасы: 8 500 теңге.
Жұмыс уақыты: 09:00-ден 00:00-ге дейін.
Байланыс: @coffeeboom.almaty.
Қазақстанға танымал бұл желі жыл сайын Рамазан айына арнайы мәзір әзірлейді. Биыл 8 500 теңгеге үш түрлі таңдау ұсынылып отыр: Бірінші нұсқа: Жасымық сорпасы, тауық еті қосылған «Цезарь» салаты мен цомян. Екінші нұсқа: Борщ, қияр мен қызанақ салаты және қазан-кәуап. Үшінші нұсқа: Үй кеспесі, «Грек» салаты және саңырауқұлақ соусымен берілетін тауық филесі. Әр жиынтыққа бауырсақ, құрма, нан, шай және су тегін беріледі. Ал десертке шоколадтағы таңқурай мен матча алуға болады — оны жақындарыңызға сыйға тартсаңыз да, үйге ала кетіп, асықпай шаймен ішкен де күшті.
Lanzhou
Мекенжайы: Қала бойынша мейрамханалар желісі.
Сет бағасы: 12 000 теңге (төрт адамға).
Жұмыс уақыты: 11:00-ден 00:00-ге дейін.
Байланыс: @lanzhou_kafe.
Бұл — бүкіл Қазақстанға танымал аңызға айналған кеспеханалар желісі. Ауызашарға ең тиімді ұсыныс осы жерде десек қателеспейміз. Мейрамхана төрт адамға арналған бір ифтар-сетті 12 000 теңгеге ұсынады. Бұл жиынтыққа әр адамға бір порциядан салат, фирмалық кеспе, гуйру лағман не мәнті кіреді. Басқа мейрамханалар сияқты мұнда да құрма, су және шай тегін беріледі. Сонда бір адамға толыққанды кешкі ас құны небәрі 3 000 теңгеден шығады.
