Рейске тіркелерде не білген жөн?
Тіркеудің не үшін керек екені, онлайн немесе әуежайда қалай тіркелуге болатыны туралы.
Ұшаққа отырар алдында міндетті түрде рейске тіркелу керек. Көбі үшін бұл үйреншікті қадам, бірақ бәрін дұрыс жасасаңыз процесс тез әрі оңай болады. Осы мақалада кезекке тұрмай-ақ өзіңізге ыңғайлы тіркелу тәсілін қалай таңдап, еш уайымсыз өз рейсіңізге қалай отыруға болатынын айтып береміз.
Билетті сатып алсаңыз да неліктен тіркелу керек?
Тіркелу арқылы сіз рейске отыратыңызды растайсыз: әуе компаниясы құжаттарыңызды тексереді, багажыңызды қабылдайды және отырғызу талонын береді. Сіз онлайн, мобильді қосымша арқылы, әуежайда немесе өзіне-өзі қызмет көрсету алаңында (бірақ бұны барлық әуе компаниясы ұсынбайды) тіркеле аласыз.
Қалай онлайн тіркелуге болады?
Әуе компаниясының саясатына байланысты әдетте ұшуға 24–48 сағат қалғанда онлайн тіркеле аласыз. Кейбір тасымалдаушылар, мысалы лоукостерлер, рейске бірнеше апта қалғанда онлайн тіркеуді ашады, бірақ ол үшін қосымша ақы алуы мүмкін. Бәрін нақты біліп жүру үшін билет сатып алмас бұрын тіркеу ережелерін оқи аласыз.
Онлайн тіркеудің артықшылықтары:
- Кезекке тұрып, әуежайда тіркелуге уақыт жоғалтпайсыз;
- Орынды алдын ала таңдай аласыз. Әуежайдағы тіркеу үстелінде әдетте терезе жақтағы немесе шеттегі орынды сұрай аласыз, бірақ қай қатарда отыратыныңызды таңдай алмайсыз. Онлайн тіркелген кезде сіз ұшақ картасын көресіз және ыңғайлы орынды таңдай аласыз.
- Тек қол жүгін алсаңыз тіпті ыңғайлы. Қол жүгіңізде үшкір немесе өткір заттар, сығымдалған газ немесе бортта тасымалдауға тыйым салынған басқа заттар болмаса, сіз онлайн тіркеліп, әуежайдағы тексеру аймағына бірден өте аласыз.
Әуе компаниясы | Онлайн тіркелу |
|---|---|
Air Astana | 36 сағат бұрын ашылады, 1 сағат қалғанда жабылады. |
FlyArystan | 30 күн бұрын ашылады (Қытайға/Қытайдан рейстер үшін — 10 күн бұрын ашылады). Ішкі рейстер — ұшуға 40 минут қалғанда жабылады; халықаралық рейстер — ұшуға 60 минут қалғанда жабылады. |
SCAT | 24 сағат бұрын ашылады, 2 сағат (ішкі рейстерге) немесе 3 сағат (халықаралық рейстерге) қалғанда жабылады. |
Qazaq Air (VietJet Qazaqstan) | 48 сағат бұрын ашылады, 3 сағат қалғанда жабылады. |
Әуе компаниясы | Онлайн тіркелу |
|---|---|
Air Astana | 36 сағат бұрын ашылады, 1 сағат қалғанда жабылады. |
FlyArystan | 30 күн бұрын ашылады (Қытайға/Қытайдан рейстер үшін — 10 күн бұрын ашылады). Ішкі рейстер — ұшуға 40 минут қалғанда жабылады; халықаралық рейстер — ұшуға 60 минут қалғанда жабылады. |
SCAT | 24 сағат бұрын ашылады, 2 сағат (ішкі рейстерге) немесе 3 сағат (халықаралық рейстерге) қалғанда жабылады. |
Qazaq Air (VietJet Qazaqstan) | 48 сағат бұрын ашылады, 3 сағат қалғанда жабылады. |
Қалай әуежайда тіркелуге болады?
Әуежайда тіркелу балалары, чемодандары, стандартты емес жүктері немесе жануарлары бар жолаушыларға ыңғайлы. Онлайн тіркелмегендер үшін де.
Әуежайға қашан келген жөн:
- Ішкі рейстерге — ұшуға 2–2,5 сағат қалғанда.
- Халықаралық рейстерге — ұшуға 3 сағат қалғанда.
Тіркеу әдетте ұшуға 40–60 минут қалғанда жабылады. Дегенмен кейбір әуежайларда бұл процесс бір сағат қалғанда аяқталады, сондықтан тіркеуге үлгермей қалмау үшін ұшу уақытын алдын ала тексеріп жүріңіз.
Офлайн тіркелетін болсаңыз:
- Әуежайдың қаншалық үлкен екенін ескеріңіз: кейде қажет терминалға 20-30 минутта жетуіңіз мүмкін.
- Егер сіз багажсыз саяхаттасаңыз, өзіне-өзі қызмет көрсететін тіркеу алаңына барыңыз.
- Уақытты бақылап отырыңыз: тіркеу және отырғызу ұшуға 30–40 минут қалған аяқталады.
Тіркелудің ең жақсы жолы сіздің жағдайыңызға байланысты. Онлайн тіркелу уақыт жоғалтқысы келмей, жеңіл жүкпен саяхаттайтындар үшін қолайлы. Әуежайда тіркелу жануарларды, стандартты емес өлшемдегі багажды тасымалдау кезінде немесе чартерлік рейстерде қажет.
