Италия визасын алу шарттары мен керек құжаттар

Италия — әлемдегі ең танымал туристік бағыттардың бірі. Рим, Милан, Венеция мен Флоренция сынды әр көшесі тарих тұнған қалаларды көруге әлемнің бұрыш-бұрышынан миллиондаған адам ағылады. Жерорта теңізінің жағалауындағы бұл кербез елге бармас бұрын құжат мәселесін реттеп алу керек.

Италия визасын қалай алу керек, қандай құжаттар жинау керек, визаға тапсырған қанша тұрады және ол қанша уақытта дайын болады деген сауалдарға осы мақалада жауап береміз.

Қазақстандықтар Италияға барарда виза алуы керек пе?

Иә, Италия — Шенген аймағына кіретін мемлекет, сондықтан сапарлап бармас бұрын шенген визасы рәсімделеді. 

Италия визасының қандай түрлері бар?

Қазақстанда Италия визасын қалай алуға болады?

1-қадам. Құжат тапсыруға жазылу

Қазақстанда Италияға виза өтінішін Астанадағы Италия консулдығы қарастырады. 2024 жылдың 20 қарашасынан бастап виза өтінішін уәкілетті қызмет көрсетуші VFS арқылы ғана беруге болады.

Алдымен виза орталығына онлайн тіркелу қажет. Өтініш берушілер өзінің және жақын туыстарының атынан, соның ішінде жұбайы мен кәмелетке толмаған балаларының атынан өтініш бере алады. Өтініш ұшу күнінен 15 күн бұрын және ұшуға алты айдан ерте берілмеуге тиіс. Өтініш беру күні алдын ала брондалады.

2-қадам. Құжаттарды жинау

Қажет құжаттардың толық пакетін дайындаңыз. Барлық анықтама жарамды әрі дұрыс толтырылған болуы керек. Қажет құжаттар тізімі төменде тұр. 

3-қадам. Құжат тапсыру және биометрия

Белгіленген күні виза орталығына барып, құжат тапсырасыз. Сонымен қатар биометрикалық ақпараттар, яғни саусақ ізі мен фотоңызды тапсырасыз. Құжатыңызды Алматы не Астана қалаларында тапсыра аласыз.

4-қадам. Виза алымын төлеу

Өтініш беру кезінде консулдық алым мен қызмет көрсету ақысы төленеді. Консулдық қызмет көрсету ақысы:

• 12 жастан асқан өтініш берушілерге: 53 100 теңге;
• 6 жастан 12 жасқа дейінгі балаларға: 26 550 теңге;
• 6 жасқа дейінгі балаларға: тегін.

Қызмет көрсету ақысы — 18 475 теңге. Төлемді қолма-қол ақшамен не визаға өтініш беру орталығында банк картасымен төлеуге болады.

5-қадам. Визаны алу

Өтініш қаралғаннан кейін паспортты дайын күйінде алып кетуге не курьерлік жеткізуге тапсырыс беруге болады. Паспортты жұмыс күндері сағат 15:00-ден 16:00-ге дейін алуға болады. Жеке куәлігіңізді ала барыңыз.

Италия визасына қажет құжаттар тізімі

Сіз Aviasales.kz-тің желідегі парақтарына жазыласыз, ал біз сізге рақмет айтамыз. Ок па?

Telegram

Instagram

Италия визасына анкетаны қалай толтыру керек?

Италия визасына өтініш бергенде барлық құжатты мұқият дайындаған маңызды. Анкетадағы ақпарат құжаттармен толық сәйкес болуы керек. Қаржылық жағдайды нақты көрсету, дұрыс бронь жасау мен визалық ережелерді сақтау — виза алу мүмкіндігін арттырады. Құжаттарды ертерек тапсырып, барлық талапты алдын ала тексерген жөн. Анкетаны толтырарда жеке және сапар мәліметтері қажет. Форманы мұқият әрі қатесіз толтырған маңызды. Анкетаға қажет деректер:

• Паспорттағы мәліметтер;
• Үй мекенжайы, телефон мен e-mail;
• Жұмыс орны, лауазымы, жұмыс берушінің мекенжайы мен телефоны
• Ұшу туралы ақпарат (күндер, рейс нөмірлері);
• Италиядағы тұратын жер туралы мәліметтер (мекенжай, телефон, e-mail);
• Биометрия тапсыру туралы ақпарат (егер бұрын тапсырылса — күні мен виза стикерінің нөмірі);
• Шақырушы тұлға туралы деректер (болмаған жағдайда қонақүй деректері жеткілікті);
• Сапар шығындарын қалай төлейтініңіз туралы ақпарат (қолма-қол ақша, карта, демеуші және т.б.).

Италия визасы қанша уақытта дайын болады?

Виза орталығы арқылы өтініш берген жағдайда виза кемінде 15 жұмыс күнінде дайын болуы керек. Құжат тапсыру және паспорт беру күндері есепке алынбайды. Кей жағдайларда өтінішті қарастыру мерзімі 45 күнге дейін созылуы мүмкін. 

Осы тақырыпта басқа не бар?

Шенген визасының сауалнамасы: қазақстандықтарға арналған нұсқаулық

Испания визасын алу: талаптары қандай, төлемі қанша?

Италия визасы қанша уақытқа беріледі?

Италия визасының мерзімі сапар мақсатына және өтініш берушінің виза тарихына байланысты беріледі. Көбіне виза сапар мерзіміне не бірнеше айға рәсімделеді. Виза тарихы жақсы өтініш берушілерге ұзақ мерзімді мультивиза берілуі мүмкін.

Қазақстанда Италия визасына құжатты қайда тапсыруға болады?

VFS Global арқылы Италия визасына құжатты Қазақстанның бірнеше қаласында тапсыруға болады. Виза орталықтарының мекенжайы төменде:

• Астана — «Каскад» бизнес орталығы, Қабанбай батыр даңғылы 6/1;
• Алматы — Сейфуллин даңғылы 617, Forum Mall;
• Атырау — «Авангард» бизнес орталығы;
• Шымкент — Adilet Group бизнес орталығы;
• Өскемен — «Гостиный двор» бизнес орталығы.

Елшілік неге виза бермей қоюы мүмкін?

Виза беруден бірнеше себеппен бас тартуы мүмкін:

• Құжаттар қате не толық емес
• Жалған анықтамалар бар
• Шоттағы қаржы жолға жеткіліксіз
• Виза тарихы нашар
• Бұрын Шенген ережелері бұзылған
• Бұрын заң бұзған

Осы тақырыпта басқа не бар?

Неліктен сізге виза бермеуі мүмкін және ондай жағдайда не істеуге болады

Жиі қойылатын сұрақтар (FAQ)

Италия визасын сапарға дейін қанша уақыт бұрын алу керек?

Құжаттарды сапардан кемінде бір ай бұрын тапсырған дұрыс. Туристік маусым кезінде кезек көп болуы мүмкін, сондықтан алдын ала жазылыңыз.

Италия визасымен Шенгеннің басқа елдеріне баруға бола ма?

Иә, болады. Бірақ негізгі сапар елі ретінде Италия көрсетілуі керек.

Қонақүй мен әуе билеттерін толық сатып алған міндетті ме?

Көп жағдайда брондап қойған жеткілікті. Алайда консулдық кей кезде төленген брон не билеттерді сұратуы мүмкін.

Құжаттарды жеке бармай тапсыруға бола ма?

Биометрия кейінгі 6 ай ішінде тапсырылған болса, кей жағдайда сенімхат арқылы құжат тапсыруға болады. Бірақ консулдық өтініш берушінің қайтадан виза орталығына жеке келгенін сұратуы мүмкін.

Банкте қанша ақша болуы керек?

Шотыңызда әр күнге кемінде 118 EUR (шамамен 67 мың KZT) болсын. Мысалы, 10 күндік демалысқа бара жатсаңыз, шотыңызда кемі 650 000 теңге жатқаны жөн.