Қазақстанда шаңғы тебетін жерлер қайда және оған қанша ақша кетеді?
Елдегі ең танымал курорттар топтамасы.
Тауға қар түскені — шаңғы, сноуборд пен шаналарды шығаратын сәттің келгені. Біз Қазақстандағы ең жақсы деген сегіз тау-шаңғы курортынан тұратын тізім жасап қойдық. Олардың мекенжайын, байланыс нөмірі мен бағасын да көрсеттік. Осы тізімге қарап, қысқы демалысыңызға ертерек қамдана беріңіз.
Shymbulak, Алматы
Мекенжайы: Алматы, Керей-Жәнібек хандар көш, 558/1.
Байланыс нөмірі: +7 727 331-77-77, @shymbulakmountainresort.
Бағасы: 53 мың теңге.
Басқа қызықтар: зиплайн, атқа міну, скалодром, парапланмен ұшу.
Бұл — Қазақстандағы ең танымал тау-шаңғы курорты. Ең үлкен артықшылығы — Алматы орталығынан аспалы жолға шамамен жарты сағатта жетуге болады. Түнде де ашық тұрады. Сондықтан жұмыстан шыққан соң да тау бөктеріне баруға болады.
Shymbulak барлық деңгейдегі райдерлерге жайлы: мұнда «қара», «көк» және «қызыл» трассалар бар. Еңістердің биіктігі мен деңгейі әртүрлі. Енді үйреніп жүрген болсаңыз, шаңғы мектебінен сабақ алуға болады. Нұсқаушы таңдап, сабақты (кемі 24 сағат бұрын) алдын ала брондайсыз. Сабақ бағасы оқушының жасына және апта күніне байланысты өзгеріп тұрады.
Шаңғы тепкім келмейді десеңіз де, Shymbulak-та уақытты жақсы өткізуге болады: 14 мейрамхананың бірінде таудың көрінісіне тамсанып отырып түстенуге, 3 200 метр биікте түнеп шығуға, ашық аспан астындағы жылы бассейнде шомылуға не атқа мініп серуендеуге болады.
Oi Qaragai («Лесная сказка»), Алматы
Мекенжайы: Алматы облысы, Ойқарағай шатқалы, 225.
Байланыс нөмірлері: +7 727 312-00-08, @oiqaragai.
Бағасы: 99 мың теңгеден бастап.
Басқа қызықтар: арқан саябағы, жылқы орталығы, садақ ату, пейнтбол, SPA, парапланмен ұшу.
Қазақстандағы ең ірі тау-шаңғы курорты: мұнда үш деңгейге қарай бөлінген 29 трасса бар. Енді үйреніп жүргендерге арналған жеңіл жол, орташа жол және күрделі жол деп бөлінеді. Кез келген бюджетке сай қонақүй мен шағын дөнер-кафеден бастап сәнді «1820» мейрамханасына дейін жеті түрлі тамақтану орны жұмыс істейді.
Баламен келсеңіз, оны бір күнге Ugusha балалар клубына қалдыруға болады. Онда арнайы жабдықталған ойын аймағы бар, балаларға арнайы тәрбиешілер қарайды. Қосымша ақыға мастер-класс ұйымдастырып береді не арқан саябағына апара алады.
Шаңғы не сноуборд теппейтіндерге де қызық көп. Oi Qaragai-да SPA-аймақ, массаж, күтім процедуралары мен монша жұмыс істейді. Экстримді жақсы көретіндер Азиядағы ең үлкен троллей саябағына (жоғарыдан арқанмен сырғанау), ат орталығына, тирге, пейнтбол не парапланмен ұшуға бара алады.
«Ақбұлақ», Алматы
Мекенжай: Алматы облысы Талғар ауданы Рысқұлов ауылы, Сарбаз шатқалы көшесі, 1а/1.
Байланыс нөмірі: +7 707 763-99-10, @akbulak.kz.
Бағасы: 93 мың теңгеден бастап.
Басқа қызықтар: бассейн, сауна, квадроцикл жалдау, SPA.
Алматының орталығынан шамамен бір сағаттық жерде орналасқан тау-шаңғы курорты. «Ақбұлақ» сұлулығы көздің жауын алатын Талғар шатқалынан ашылған. Мұндағы беткейлерде алты негізгі маршрут жұмыс істейді: жаңадан бастағандарға арналған «жасыл» трассалар және тәжірибелі райдерлерге арналған «қызыл» бағыттар бар.
Оңаша демалғанды жақсы көрсеңіз, осы курортты таңдаңыз. Мұнда маусымның қызған уақытында да туристер саны Shymbulak пен Oi Qaragai-ға қарағанда әлдеқайда аз болады. Қосымша екі креслолы және бірнеше бугельді көтергіш бар. Соның арқасында туристер топырлап тұрмайды. Курортта құрал-жабдықты жалға алу пункті мен шаңғы мектебі де жұмыс істейді.
Сырғанағым келмейді десеңіз, күнді SPA-да өткізуге, бассейнде жүзуге, Талғар шатқалында серуендеуге не тау керемет көрінетін мейрамханада отырып, кешкі ас ішуге болады.
«Алтай Альпілері», Өскемен
Мекенжайы: Өскемен, Қабанбай батыр көш. 160.
Байланыс нөмірі: +7 777 401-53-40, @altay_alps.
Бағасы: 55 мың теңгеден бастап.
Басқа қызықтар: балық аулау, монша, атпен серуендеу.
«Алтай Альпілері» — Шығыс Қазақстан облысындағы ең үлкен тау-шаңғы аймағы. Курортта 12 еңіс бар. Ең басты артықшылығы — маусымның ұзақтығы. Әдетте басқа курорттарда маусым наурызда жабылып жатса, мұнда сәуірге дейін сырғанауға барып жатады. Курортта «all inclusive» тарифі бар: оған нұсқаушымен бір сағаттық сабақ, үш мезгіл тамақ, құрал-жабдықты жалға алу және шексіз ски-пасс кіреді. Бағасы — 15 500 теңге (жеке-жеке алсаңыз, шамамен 22 мың теңгеге шығады).
Балаларға арналған тюбинг трассасы мен арқан саябағы бар. Ал ересектер моншаға, массаж, фитобөшке мен пантотерапияға барса болады.
Discovery Borovoe, Қатаркөл
Мекенжайы: Қатаркөл көлінің сол жағалауы.
Байланыс нөмірі: +7 707 537-37-37, @discovery_borovoe.
Бағасы: бір турға 99 мың теңгеден бастап.
Басқа қызықтар: бассейн, аквасаябақ, жаттығу залы, SPA.
Бурабай жағасындағы кешен. Мұнда адамдар көбіне шаңғы тебуге емес, үй ішімен тынығып қайтуға келеді. Аумағы үлкен: бассейндер, SPA, жаттығу залы, ал балаларға аквасаябақ пен ойын орталығы бар.
Қыста үлкен мұз айдыны ашылады. Ал шаңғы беткейлері жайпақ. Сондықтан бұл жер енді үйреніп жүргендер мен баяу сырғанағанды ұнататындарға жайлы.
Discovery Borovoe-да демалу үшін тур сатып алу керек. Бағасы бір ересек адамға үш күнге 99 мың теңгеден басталады. Құны брондау уақыты мен күн санына қарай өзгереді. Бағаға курорт аумағындағы қызықтың бәрі мен үш мезгіл тамақ кіреді.
«Нұртау», Өскемен
Мекенжайы: Өскеменнен 35 шақырым жерде.
Байланыс нөмірі: +7 705 798-53-56, @nurtau.vko.
Бағасы: 88 мың теңгеден бастап.
Басқа қызықтар: тюбинг, монша, қар кешкішпен экскурсия.
Бұл жердің аумағы үлкен, қайың тоғайы да бар. Демек ауасы саф. «Нұртау» кешенінде негізгі екі және шаңғы теуіп үйренгенге бір еңіс бар. Сонымен қатар фрирайдқа арналған беткейлер мен шаңғының жүрдек түріне арналған арнайы трасса ашылады. Жабдықтарды жалға алу пункті мен тюбингіге арналған аумақ та жұмыс істейді.
Шаршап қалсаңыз, арнайы самалжайды жалға алуға болады. Оның ішінде ошақ, шәйнек пен мангал болады. Түнегісі келетіндерге аумақта 2–7 адам сыятын ағаш коттедждер жалға беріледі.
«Тау самалы», Түркістан
Мекенжайы: Түркістан облысы Төле би ауданы Нысанбек ауылы.
Байланыс нөмірі: +7 701 930-66-99.
Бағасы: 53 мың теңгеден бастап.
Басқа қызықтар: жабық бассейн, хамам, қар кешкіш жалдау.
Түркістан облысындағы жыл бойы жұмыс істейтін курорт. Қыста мұнда шаңғы беткейлері ашылады, жабдықты жалға алып, нұсқаушымен жаттығуға болады. Балаларға арналған тюбинг трассасы мен жеке көтергіш те бар.
Түнеп шығамын десеңіз, курорт аумағында бес қонақүй бар. Онда бильярд, мейрамхана мен жақсылап қыздырынуға болатын орыс моншасы мен фин саунасы бар.
Stardust Camp, Риддер
Мекенжайы: Риддер қ., Верхняя Хариузовка, Энергетиков көш., 1/3.
Байланыс нөмірі: +7 701 752-05-69, @stardustcamp.
Бағасы: 31 мың теңгеден бастап.
Басқа қызықтар: тюбингімен түсетін сырғанақ, монша.
Шығыс Қазақстандағы шағын, бірақ жайлы курорт. Мұндағы беткейлер барлық деңгейдегі шаңғышыларға жайлы. Нөмір не бес жатын орны бар монша жалдауға болады. Шаңғы мектебі жоқ, бірақ жабдықтар мен тюбингілерді жалға ала аласыз.
Қазақстандағы қысқы курорттарға барғанға қанша ақша керек?
Біз шығынды түрлі қызметтің ең төменгі ақысын қоса отырып есептедік, бірақ демалыс құны апта күні, уақыт пен тарифке байланысты өзгеретінін ескеріңіз. Курорттардың сайттарынан басқа да нұсқаларды табуға болады.
Курорт | Қонақүйде бір күн тұру | Құрал-жабдық | Ски-пасс | Нұсқаушы | Бір күннің шығыны |
|---|---|---|---|---|---|
23 000 | 9 000 | 9 000 | 15 000 | 51 000 | |
45 000 | 11 000 | 12 000 | 18 000 | 93 000 | |
27 000 | 6 000 | 8 000 | 12 000 | 55 500 | |
60 000 | 12 000 | 12 727 | 10 000 | 99 727 | |
70 000 | 5 000 | 5 000 | 8 000 | 88 000 | |
40 000 | 3 000 | 6 000 | 4 000 | 53 000 | |
20 000 | 3 000 | 8 000 | шаңғы мектебі жоқ | 31 000 |
Қонақүйде бір күн тұру
23 000
Құрал-жабдық
9 000
Ски-пасс
9 000
Нұсқаушы
15 000
Бір күннің шығыны
51 000
Қонақүйде бір күн тұру
45 000
Құрал-жабдық
11 000
Ски-пасс
12 000
Нұсқаушы
18 000
Бір күннің шығыны
93 000
Қонақүйде бір күн тұру
27 000
Құрал-жабдық
6 000
Ски-пасс
8 000
Нұсқаушы
12 000
Бір күннің шығыны
55 500
Қонақүйде бір күн тұру
60 000
Құрал-жабдық
12 000
Ски-пасс
12 727
Нұсқаушы
10 000
Бір күннің шығыны
99 727
Қонақүйде бір күн тұру
70 000
Құрал-жабдық
5 000
Ски-пасс
5 000
Нұсқаушы
8 000
Бір күннің шығыны
88 000
Қонақүйде бір күн тұру
40 000
Құрал-жабдық
3 000
Ски-пасс
6 000
Нұсқаушы
4 000
Бір күннің шығыны
53 000
Қонақүйде бір күн тұру
20 000
Құрал-жабдық
3 000
Ски-пасс
8 000
Нұсқаушы
шаңғы мектебі жоқ
Бір күннің шығыны
31 000
Қысқа-нұсқа
Ақша үнемдеу үшін қай уақытта барған дұрыс?
Ски-пасс Жаңа жыл кезінде (шамамен 1–12 қаңтар аралығында) аса қымбат тұрады. Ақша үнемдегіңіз келсе, маусымның басында не аяғында — желтоқсанның басы немесе 1 наурыздан кейін барған дұрыс. Бұл кезде туристер де аз болады.
Құрал-жабдықты қайда аламыз?
Ең оңайы — жабдықты сол жерден жалға алған. Бірақ маусымның қызған шағында (Жаңа жыл мен қаңтардың басында) сізге керек өлшемдегі аяқ киім не күрте табылмай қалуы әбден мүмкін. Сондықтан алдын ала брондап қою керек не өз жабдығыңызды қаладан ала барған дұрыс.
Абонементтер бар ма?
Иә, сырғанауға жиі (мысалы, әр демалыста) барар болсаңыз, бүкіл маусымға арналған бірыңғай ски-пасс сатып алған тиімді. Мұндай абонемент мына курорттарда бар: Shymbulak (250 мың теңгеден бастап), Shymbulak пен Oi Qaragai-ға ортақ абонемент (700 мың теңге), сондай-ақ Stardust Camp-те (90 мың теңге).
Түнде қай жерде шаңғы тебуге болады?
Кешкі тариф тек Shymbulak, «Ақбұлақ» пен Oi Qaragai курорттарында бар. Трассаға қуатты прожекторлар жарық беріп тұрады: бұл қауіпсіз әрі ерекше атмосфера береді. Бірақ түнде суық болуы мүмкін, сондықтан қалыңырақ киініңіз.
Алдын ала брондау қажет пе?
Иә. Әсіресе маусымның ең қызған шағында — желтоқсан мен қаңтар айларында брондауды ұмытпаңыз. Осы кездері (әсіресе қонатын болсаңыз) бронсыз бара алмайсыз. Қонақүйді, жабдық пен нұсқаушыны кемінде бір апта бұрын брондаған дұрыс.
