Aviasales-тің арқасында Бағжанды да, бақытымды да таптым

Кейде кездейсоқ қабылданған бір шешім өміріңді түбегейлі өзгертіп жіберуі мүмкін. Менің басымнан сондай жағдай өтті: Aviasales.kz парақшасынан Бағжан Октябрьдің концертіне Дубайға жолдама ойнатылып жатқанын көріп, неге қатыспасқа деп ойладым.

Көп ештеңе күтпедім, ұтамын-ау деген ой да болған жоқ. Бір комментарий жаздым да, шаруаларыммен айналысып жүре бердім. Бірақ аз уақыттан маған директке жазып, стористе мені жеңімпаз деп белгіледі. Шок болдым! Үйде анам екеуіміз шай ішіп отыр едік. Кенет қуаныштан секіріп кеттім. Анам шошып: «Не болды? Не болды?» деді. «Мен жеңдім! Концертке барамын!» дедім. Қуанышымда шек болған жоқ.

Жолға арнайы дайындалмай, тез-ақ жиналдым. Тек құжаттарымды реттеп, керек заттарды салып қойдым. Бәрі оңай болды. Aviasales командасы, әсіресе менеджер Тоғжан көп көмектесті: билет алу кезінен бастап сапар бойынша маңызды нәрсенің бәрін айтып отырды. Күтпеген сапарым нағыз шытырманға айналды. Дубайға сүйіктім екеуіміз бардық. Концертті ғана емес, қаланы да аралап, ерекше атмосфераны сезіндік.

Жаныңды масайрататын музыка

Мен жаны бар өнерді — театрды, концерттерді, ерекше музыкалық форматтарды бұрыннан жақсы көретінмін. Бағжан Октябрьдің шығармашылығымен жақын таныспын: әсіресе YouTube пен ЯндексМузыкадан виолончельмен сүйемелдеген тректерін жиі тыңдайтынмын. Ол әуендерді жазбай танисың. Себебі музыка жаныңмен тілдескендей күй кешесің.

Бірақ оның музыкасын құлаққаппен тыңдаған бір басқа да, әр нотасы тербетіп тұрған залда тыңдаған мүлде бөлек екен. Сол кеште ән мені түгел баурап алғанын сездім. Бұл жай концерт емес, адамды терең сезімге батырып, әсері ұзақ уақыт бойы кетпейтін ерекше сәт болды.

Мен көрген Дубай

Бұрын мен Дубайда болмағанмын. Бірақ армандап жүруші едім. Дубай маған заманауи, ерекше, өзіне тән атмосферасы бар қала болып көрінетін. Құрылыс саласында жұмыс істегендіктен ондағы ғимараттарды өз көзіммен көру маман ретіндегі арманым да болатын.

Шын өмірде олар суреттегіден де әсерлі екен. Зәулім ғимараттың әрбірі жеке өнер туындысы іспетті. Сәулеті бір-біріне ұқсамайтын әсем нысандардан көз алмай, әр деталін қарап, таңырқап жүрумен болдым. Күннің ыстығы, теңіз иісі, көк аспан — бәрі мінсіз болды.

Сосын әлемдегі ең үлкен сауда орталығы — Dubai Mall-ға бардық, алып Aquaventure аквапаркін де көрдік. Кемемен жүргеніміз қатты әсер етті. Жел, теңіздің ащы суы және шексіз еркіндік. Дубайға барған әр адамға осы орындарды маршрутқа міндетті түрде қосуға кеңес беремін.

Тосын да тамаша сәт

Ал ең күтпеген әрі ең ғажап сәт Дубайда болды — сүйіктім маған тұрмысқа шығуға ұсыныс жасады! Кеме үстінде күн батып бара жатқанда, қаланың жарығы ойнап, толқындар шулап тұрғанда тосыннан «Маған тұрмысқа шықшы?» деді. Бәрі әдемі әрі романтикаға толы болғаны сонша — өңім бе, түсім бе деп абдырап қалдым. Бұл өмірімдегі ең бақытты әрі жүрек тебірентер сәт ретінде мәңгі есімде қалды.

Түйін

Бұл сапар маған өмір кейде ғажап тосынсыйларын үйіп-төгеді дегеннің дәлелі болды. Ең бастысы — байқап көруден қорықпау. Мен жай стористі көріп, байқауға қатысып көрейін деп шештім. Соның арқасында талай жыл естен кетпейтін саяхатқа шығып, арманымдағы концертке барып, сүйіктіммен бірге өмірдің жаңа кезеңіне аяқ бастым.

Сондықтан жылт еткен бір үміт болса, мүмкіндік болса, жіберіп алмай, әрекет етіңіз. Кейде Aviasales.kz парақшасына жазылып, өз билетіңізді табудың өзі-ақ сізді бақытқа жетелер жол болуы мүмкін.