2026 жылы арзан ұшақ билеттерін сатып алу: Aviasales.kz кеңестері
Біз өз ісімізді жақсы білеміз — сондықтан лайфхактарды түртіп алыңыз.
Біз билет іздеу трендтерін зерттеп, сізге арнап ең пайдалы әрі тиімді кеңестерді жинап қойдық. Осы лайфхактардың арқасында ең күшті ұсыныстарды тауып аласыз — сөзімізге сеніңіз!
Aviasales.kz сервистерінің көмегімен үнемдеңіз
Таңдаулы. Билеттердің бағасы кейде төмендеуі мүмкін, бірақ оны тәулік бойы бақылап отыру мүмкін емес. Бірақ Aviasales.kz үшін мүмкін емес ештеңе жоқ! Ұнатқан билетіңізді Таңдаулыға қосып қойыңыз — бағасы өзгерсе, бірден хабарлама аласыз.
Төмен бағалар картасы. Қай күні ұшатыныңыз белгілі болып, бірақ қайда баратыныңызды шешпесеңіз, «кез келген бағыт» деп көрсетіп, картадағы арзан билеттерді таңдаңыз.
Ыстық билеттер. Бұл — алдағы 30 күнге арналған арнайы билет топтамасы, олардың бағасы әдеттегіден кемінде 10 % арзан. Ең тиімді ұсыныстарды жіберіп алмау үшін сайттағы немесе қолданбадағы бөлімді ара-тұра қарап жүріңіз.
Жаңалықтар. Жазылып қойыңыз — сонда тұрғылықты жеріңізге байланысты арзан билеттер топтамасы поштаңызға жіберіледі.
Әлеуметтік желілер. Мұнда жеңілдіктер, жаппай сатылымдар мен саяхат туралы тың ақпараттар шығады. Әсіресе біздің телеграм-каналымызда жазбалар мен топтамалар өте жиі жарияланады.
Ұшақ билеттерін сатып алатын ең тиімді уақытты таңдаңыз
Ұшақ билеттерінің бағасы оларды таңғы 10-да немесе түнгі 3-те сатып алғаныңызға байланысты емес. Иә, дұрыс оқыдыңыз: әуе компанияларының алгоритмдері сізді бақылап отырып, қанша рет іздегеніңізге қарай бағаны қымбаттатпайды. Жай ғана ең тиімді билеттер ерте өтіп кетеді.
Бағаға шын мәнінде әсер ететін нәрселер — маусым, сұраныс және бағыт. Егер билет сатып алатын уақытты дұрыс таңдасаңыз, 50 пайызға дейін үнемдеуге болады. Біз мыңдаған ұсынысты сараптап, әр маусымда билет алуға ең тиімді уақытты анықтадық.
Көктемде ұшар болсаңыз:
- Қазақстан ішінде: кемінде екі ай бұрын алыңыз. Ең дұрысы — 100 күн бұрын сатып алған жөн. Ұшуға 60 күн қалғаннан бастап баға өсе бастайды.
- Түркияға: сапарға 40–20 күн қалғанда. Ал тым ерте (80–100 күн бұрын) алған тиімсіз, баға жоғары болады. Ұшуға 12 күн қалғанда қымбаттай бастайды.
- Еуропаға: бағаның өсуі екі апта бұрын басталады. Билетті 20 немесе 70 күн бұрын алудың айырмашылығы шамалы.
- Ресейге: екі ай бұрын алған тиімді. 20-шы күнге дейін баға сақталады, ал ұшуға 10–15 күн қалғанда күрт қымбаттайды.
- БАӘ-ге: таңқаларлық болса да, ұшуға бір апта қалғанда алуға болады. Бұл маусымда тым ерте брондаған өзін ақтамайды.
- Қытайға: ұшуға 30 күннен 10 күнге дейінгі аралықта алыңыз. Бір ай бұрын баға қолайлы, ал күрт өсім тоғыз күн қалғанда басталады.
- Оңтүстік-Шығыс Азия (Вьетнам, Тайланд): мерекелерге байланысты кестені болжау мүмкін емес. Ұшуға 3–5 күн қалғанда арзан тұрған билеттерді қағып алуға болады, бірақ бұл қып-қызыл тәуекел.
Жазда ұшар болсаңыз:
- Қазақстан ішінде: 80 күн бұрын немесе кемінде 2 ай бұрын алыңыз. Одан әрі билеттер қымбаттайды.
- Түркияға: билеттерді 20–30 күн бұрын іздеңіз. Баға соңғы сәтке дейін бірқалыпты тұрады, бірақ ұшуға 4 күн қалғанда күрт шарықтап кетеді.
- БАӘ-ге: 1,5–2 ай бұрын жоспарлаңыз. Одан кейін баға ақырын, бірақ тез бастайды.
- Ресейге: кестені болжау мүмкін емес, сондықтан өте ерте — 2,5–3 ай бұрын алған дұрыс. Тәуекел етіп, ұшуға 12–14 күн қалғанша күтуге болады, бірақ бұл лотерея сияқты.
- Еуропаға: ең тиімді уақыт — 20–40 күн бұрын алу. Тым ерте (жарты жыл бұрын) сатып алған қымбатқа түседі. Рейске 14 күн қалғанда баға өте жоғары болады.
- Қытайға: ең қолайлы уақыт — ұшуға 30–35 күн қалғанда. 20 күн бұрын тез қымбаттай бастайды.
- Оңтүстік-Шығыс Азия (Вьетнам, Тайланд): 1–1,5 ай бұрын алған тиімді. Баға өсімі шамамен 27–30 күн қалғанда басталады.
Күзде ұшар болсаңыз:
- Қазақстан ішінде: ең тиімді баға 2,5 ай бұрын болады. 80-күннен кейін өсім басталып, ұшуға екі ай қалғанда баға максимал деңгейге жетеді.
- Түркияға: мұнда бәрі тұрақты — 120 күн алсаңыз да, 20 күн бұрын алсаңыз да, баға бірдей. Тек рейске 20 күн қалғанда қымбаттай бастайды.
- Еуропаға (Италия, Испания, Франция, Германия): билеттерді 30–40 күн бұрын сатып алған дұрыс. Ұшуға екі апта қалғанда баға шарықтау шегіне жетеді.
- Ресейге: 2–3 ай бұрын жоспарлаңыз. Баға өсімі ұшуға 60 күн қалғанда басталады.
- БАӘ-ге: 60 күн бұрын да, 12 күн бұрын да алуға болады — баға шамалас. Ең бастысы — соңғы 10 күнге дейін созбау керек.
- Қытайға: бір ай бұрын алған тиімді. 50 күн мен 15 күн аралығында баға тұрақты, бірақ ұшуға 15 күн қалғанда күрт секіреді.
- Оңтүстік-Шығыс Азия (Вьетнам, Тайланд): шамамен 20 күн бұрын алыңыз. Сапарға бір ай бұрын алғаннан қарағанда, бір-екі апта бұрын алған билеттер арзанырақ болуы мүмкін.
Қыста ұшар болсаңыз:
- Қазақстан ішінде: 80 күн бұрын (2,5–3 ай бұрын алған дұрыс). 60-күннен бастап баға көтеріледі, ал ұшуға 20 күн қалғанда максимумға жетеді.
- Түркияға: 80 күн бұрын (2,5 ай) жоспарлаңыз. Кейін баға құбылып, сапарға бір ай қалғанда белсенді өсе бастайды.
- БАӘ-ге: не өте ерте (100+ күн), не нақты 2 ай бұрын алыңыз. 40-күннен кейін өсім басталады. Ұшуға 10 күн қалғанда сәтті билеттер кездесуі мүмкін, бірақ жоғары маусымда бұған сенбеген дұрыс.
- Ресейге: кесте тұрақсыз. 70–90 күн бұрын төмен баға болады, кейін өседі, ал ұшуға 7–14 күн қалғанда күтпеген жерден баға түседі. Яғни, билетті 2 апта бұрын алған 40 күн бұрын алғаннан арзан болуы мүмкін.
- Еуропаға: билет алғанға ең қолайлы уақыт — ұшуға 22–27 күн қалғанда. Одан кейін күрт қымбаттайды.
- Қытайға: сапарға 10–14 күн қалғанда алыңыз. Бір ай бұрын да алуға болады, бірақ тым ерте алудың қажеті жоқ.
- Оңтүстік-Шығыс Азия (Вьетнам, Тайланд): 20–30 күн бұрын алыңыз. Бұдан кейін баға өсімі шамалы, бірақ 4 күн немесе одан аз уақыт қалғанда құны күрт көтеріледі.
Шетелге тікелей рейс тек Алматыдан немесе Астанадан ұшпайтынын ұмытпаңыз
Саяхатты жоспарлағанда Түркістан, Атырау, Шымкент және Ақтаудан ұшуға болатын нұсқаларды да қарастырыңыз — бұл біраз үнемдеуге көмектеседі.
Мысалы, Шымкенттен Түркияға, БАӘ-ге, Ресейге, Қытайға, Венгрияға, Германияға, Мысырға, Оңтүстік Кореяға және Грузияға тікелей рейстер бар. Ақтаудан Түркияға, Әзірбайжанға, Иранға және Грузияға ұшуға болады. Ал Атыраудан Нидерландыға ұшуға болады.
Мысалы, Астанадан Ыстанбұлға тікелей ұшып бару 101 310 теңге тұрады. Ұшу уақыты — 5 сағат 50 минут.
Ал дәл сол күндері Ақтаудан ұшу 43 524 теңге тұрады, бірақ 14 сағат ұшуға тура келеді.
Екінші мысал — Сеул. Астанадан Сеулге тікелей ұшатын билет 239 775 теңге тұрады. Ұшу уақыты — 6 сағат 25 минут.
Ал бір күн кешігіп, Шымкенттен ұшсаңыз, билет бағасы 100 504 теңге болады.
Қайтар билетке де осы ереже жүреді. Егер ел ішінде саяхаттауды жоспарласаңыз, бір қалаға ұшып барып, қайтарда басқа қаладан ұшып келуді қарастырыңыз. Көп жағдайда әуежайы бар көршілес қалаға жету оңай әрі арзан (есіңізде болсын, көптеген туристік ел Қазақстанмен салыстырғанда әлдеқайда шағын, сондықтан қалалар арасындағы қашықтық та аз).
Мысалы, Дубайдан Астанаға баратын рейс 164 737 теңге тұрады.
Ал егер билетті Абу–Дабиден алсаңыз — 52 525 теңге болады.
Ыңғайлы хабтарда ауысып отыруға болатындай етіп билет алыңыз
Хаб — бұл көптеген әуе компаниясының ұшақтары ұшып келетін транзиттік әуежай. Сондықтан мұндай әуежайдан кез келген бағытқа ұшуға болады.
Ең арзан рейстерді кейде өзіңіз іздесеңіз тиімді болады, өйткені дайын біріккен билеттерге көбінесе бір әуе компаниясының, альянстың немесе серіктес компаниялардың билеттері ғана кіреді.
Азияға ұшып баруға болатын хабтар
Азия елдеріне Қазақстаннан саяхаттау үшін ең қолайлы хабтар — Қытай мен БАӘ. Бейжің мен Шанхай арқылы Оңтүстік Корея, Жапония, Сингапур, Тайланд, Малайзия және басқа да Азия елдеріне жетіп ала аласыз. Ал БАӘ арқылы Үндістан, Тайланд және Индонезияға ұшуға мүмкіндік бар.
Еуропаға ұшып баруға болатын хабтар
Қазақстандықтар үшін Еуропаға ұшуға ең ыңғайлы хабтар — Түркия мен БАӘ. Ыстанбұлдан Еуропаның кез келген еліне жетуге болады деп айта аламыз. Ал Абу–Дабиден Милан, Будапешт, Вена, Краков және басқа да Еуропа қалаларына рейс бар. Тағы бір қолайлы транзиттік нүкте — Кутаиси (Грузия), бұл жерден WizzAir лоукостері арқылы Еуропаның 15 қаласына ұшып барасыз.
АҚШ-қа ұшып баруға болатын хабтар
АҚШ-қа Қазақстаннан Түркия, БАӘ, Қатар немесе Өзбекстан арқылы транзиттік рейстермен баруға болады. Мысалы, Дубай мен Ыстанбұлдан Нью-Йорк, Чикаго және АҚШ-тың басқа қалаларына рейс бар.
Ауысып отыру кезінде рейстер арасында жеткілікті уақыт қалдыруды ұмытпаңыз. Бірінші рейс кешігіп қалуы мүмкін, кейде әуежай ауыстыруға тура келеді — бір қаланың екінші шетіне жету қажет болады. Сондықтан рейстер арасында кем дегенде 3–4 сағат болуын қадағалаңыз. Екіншіден, транзиттік елге виза керек-керек емес екенін міндетті түрде алдын ала анықтап алыңыз.
Бірден багаж кіретін билет сатып алыңыз
Әрине, багаж кірмейтін билеттердің бағасы сырт көзге әлдеқайда тартымды көрінеді. Бірақ мәселеге тура қараңыз: Түркиядағы он күндік сапарға 5 келі қол жүгінің жеткілікті екеніне сенімдісіз бе? Иә, багажды кейін бөлек сатып алуға болады — мұндай мүмкіндік көп әуе компаниясында бар. Бірақ ол кезде қымбатқа шығуы мүмкін. Былтырғы мәліметтерімізге сүйенсек, билетті бірден багажбен сатып алсаңыз, оны кейін немесе әуежайда сатып алғанға қарағанда орта есеппен 29 % арзанға шығады.
Бұған қоса, әрине, басқа саяхатшылардың көрген-білгені мен кеңестеріне де құлақ түре жүріңіз. Сол кезде өз саяхатыңыз да ұмытылмас әсер қалдырады.
