Жапонияға туристік визаны қалай алуға болады?
Жапонияға виза алу қиын емес, бірақ визаға арналған қажет құжаттарды тапсырарда өте мұқият болу керек.
Қазақстан азаматтары, әлемдегі біраз елдің азаматтары сияқты, Жапонияға виза алуы керек. Туризм немесе оқу, бизнес, мәдени алмасу, спорт, туыстар мен достарға бару — виза әрдайым қажет. Біз бұл мақалада туристік визаны қалай алуға болатынын айтамыз.
Туристік визаның қандай түрі бар?
Қазақстандықтар Жапонияға бір реттік виза ала алады, ол елге 15 немесе 30 күнге бір рет қана кіруге мүмкіндік береді. Мұндай виза берілген күннен бастап үш айға дейін жарамды.
Виза алуға қандай құжаттар қажет?
Жапонияға саяхаттау үшін визаларды Қазақстанда тек Астана қаласындағы елшілікке барып, өтініш тапсыру арқылы ала аласыз. Ең жағымды тұсы, бұл визаға өтініш тапсыру тегін және шенген визасындағыдай елшілік алым (консульский сбор) деген жоқ.
Елшілік жұмыс күндері ашық, құжаттарды таңертеңгі сағат 09:30-дан 12:00-ге дейін тапсыруға болады. Алдын ала тіркелудің қажеті жоқ, кезек бойынша тапсыра бересіз.
Қажет құжаттар | Сипаттама | Кеңестер |
|---|---|---|
Төлқұжат | Cапар уақытында жарамды болуы керек. | Төлқұжаттың қабын шешіп тастаңыз және басқа бөгде заттар болса, алып тастаңыз. |
Төлқұжат көшірмесі | Көшірмесі ксерокөшірмеден өткізілген болуы керек. | Egov немесе банк қолданбасынан алынған көшірме жарамайды. |
Визалық сауалнама | Сауалнама ағылшын немесе жапон тілінде толтырылады. Сауалнаманы толтырғаннан кейін 35x45 см (назар аударыңыз, 30х40 см емес) фотосуретін сауалнамаға желімдеу керек. | Толтыру барысында, бос орындарды қалдырмаңыз: оның орнына «no» деп жазыңыз немесе «–» сызығын қойыңыз. Егер басқа біреу сіздің атыңыздан құжаттарды тапсырса, визалық сауалнаманы міндетті түрде өзіңіз толтырған жөн.
|
Сапарға ақы төлеу мүмкіндігін растайтын құжат | Банктан шоттың жай-күйі туралы анықтама немесе лауазымы мен жалақысы көрсетілген жұмысқа орналасу туралы анықтама. Елшілік мынанша қаржы керек деп нақты айтпайды, сондықтан шығынды алдын ала жоспарлаңыз. | Отбасымен саяхаттаушылар үшін: балаңыздың (балалардың) туу туралы куәлігінің көшірмесін және неке туралы куәлігіңіздің көшірмесін алып келіңіз. |
Жапонияда болу бағдарламасы | Бұл бағдарламаны толтыру бланкісі. Ағылшын немесе жапон тілдерінде толтырылады. Жапонияға кіремін және шығамын деп жоспарлаған күнді, сондай-ақ рейс нөмірін, рейс атауын, қонақүй мекенжайы және телефонын көрсету керек. | Мүмкіндігінше сапар жоспарын егжей-тегжейлі сипаттаңыз (күн сайын жеке көрсетіңіз). Барлық қажет мәліметті жазыңыз, бірақ тым беріліп кетпеңіз, артық ақпарат қоспаған жөн. Елшілік басқа құжаттарды талап етсе немесе ақпарат жеткіліксіз болса, сізге хабарласады. |
Барып-қайтатын брондалған ұшақ билеттері | Оларды, әрине, Aviasales.kz-тен іздеңіз. | |
Брондалған қонақүй (немесе басқа тұрғын үйді растайтын құжаттар) | Booking.com немесе Airbnb сайтынан брондау растамасын бере аласыз. | — |
Сенімхат (сенім білдірілген тұлға арқылы берілген жағдайда) | Егер басқа біреу сіздің атыңыздан құжаттарды тапсырса, міндетті түрде сенімхат жазуыңыз керек. | Егер сол адам құжаттарды тапсырып қана қоймай, оны алып кететін болса, мұны сенiмхатта көрсету керек. |
Төлқұжат
Сипаттама
Cапар уақытында жарамды болуы керек.
Кеңестер
Төлқұжаттың қабын шешіп тастаңыз және басқа бөгде заттар болса, алып тастаңыз.
Төлқұжат көшірмесі
Сипаттама
Көшірмесі ксерокөшірмеден өткізілген болуы керек.
Кеңестер
Egov немесе банк қолданбасынан алынған көшірме жарамайды.
Визалық сауалнама
Сипаттама
Сауалнама ағылшын немесе жапон тілінде толтырылады. Сауалнаманы толтырғаннан кейін 35x45 см (назар аударыңыз, 30х40 см емес) фотосуретін сауалнамаға желімдеу керек.
Сауалнаманың толтырылған нұсқасы осы жерде.
Кеңестер
Толтыру барысында, бос орындарды қалдырмаңыз: оның орнына «no» деп жазыңыз немесе «–» сызығын қойыңыз.
Егер басқа біреу сіздің атыңыздан құжаттарды тапсырса, визалық сауалнаманы міндетті түрде өзіңіз толтырған жөн.
Сауалнамадағы қолтаңбаңыз төлқұжатыңыздағыдай болуы керек.
Сапарға ақы төлеу мүмкіндігін растайтын құжат
Сипаттама
Банктан шоттың жай-күйі туралы анықтама немесе лауазымы мен жалақысы көрсетілген жұмысқа орналасу туралы анықтама.
Елшілік мынанша қаржы керек деп нақты айтпайды, сондықтан шығынды алдын ала жоспарлаңыз.
Кеңестер
Отбасымен саяхаттаушылар үшін: балаңыздың (балалардың) туу туралы куәлігінің көшірмесін және неке туралы куәлігіңіздің көшірмесін алып келіңіз.
Жапонияда болу бағдарламасы
Сипаттама
Бұл бағдарламаны толтыру бланкісі. Ағылшын немесе жапон тілдерінде толтырылады.
Жапонияға кіремін және шығамын деп жоспарлаған күнді, сондай-ақ рейс нөмірін, рейс атауын, қонақүй мекенжайы және телефонын көрсету керек.
Кеңестер
Мүмкіндігінше сапар жоспарын егжей-тегжейлі сипаттаңыз (күн сайын жеке көрсетіңіз). Барлық қажет мәліметті жазыңыз, бірақ тым беріліп кетпеңіз, артық ақпарат қоспаған жөн.
Елшілік басқа құжаттарды талап етсе немесе ақпарат жеткіліксіз болса, сізге хабарласады.
Барып-қайтатын брондалған ұшақ билеттері
Брондалған қонақүй (немесе басқа тұрғын үйді растайтын құжаттар)
Сипаттама
Booking.com немесе Airbnb сайтынан брондау растамасын бере аласыз.
Кеңестер
—
Сенімхат (сенім білдірілген тұлға арқылы берілген жағдайда)
Сипаттама
Егер басқа біреу сіздің атыңыздан құжаттарды тапсырса, міндетті түрде сенімхат жазуыңыз керек.
Кеңестер
Егер сол адам құжаттарды тапсырып қана қоймай, оны алып кететін болса, мұны сенiмхатта көрсету керек.
Қайталап өтейік, елшілікке алдын ала жазылудың қажеті жоқ, визаға құжат тапсыру үшін кезек бойынша кіргізеді. Толық ақпарат елшілік сайтында бар.
Виза қанша уақытта дайын болады?
Шамамен бес жұмыс күні аралығында сіздің өтінішіңізді қарастырып, нақты жауабын айтады. Сонымен қатар тәжірибелі саяхатшылар құжаттарды кем дегенде екі апта, тіпті бір ай немесе одан да ерте уақытта тапсыруға кеңес береді. Өйткені елшілік тағы да нақтылауды немесе қосымша басқа құжаттарды әкелуді сұрап қалуы мүмкін. Визаға асығыс құжат тапсырып, оны дәл кетер алдында күтіп отырған дұрыс болмас.
Елшілік неге виза бермеуі мүмкін?
Жапонияға бірнеше себеппен виза ала алмай қалуыңыз мүмкін. Мәселен:
- өтінішіңізде кейбір құжат жетіспесе;
- сауалнаманы толтыру кезінде қате жіберсеңіз;
- әдейі жалған құжаттар берсеңіз;
- бұған дейін Жапонияда заң бұзсаңыз, визасыз қалуыңыз мүмкін.
Визаға қашан қайта тапсыруға болады?
Құжаттарды виза бермеген күннен кейін алты ай өткеннен кейін ғана қайта тапсыра аласыз.
