Кітапқұмарлар әлемдегі мына жеті дүкенді көруі керек
Кітап сатып алып қана қоймай, сөрелер арасында жүре бергің келетін жерлер.
Достарыңызға жіберу
Сіз де мен сияқты кітапқұмар әрі саяхат кезінде кітап дүкеніне кірмей кетпейтін адам болсаңыз, мына топтама сізге арналған. Менің атым — Ақма. Менің әр елге барғанда кем дегенде бір кітап ала келетін әдетім бар. Осы топтамада өзім болған және барғым келіп жүрген дүкендер туралы жаздым.
Буэнос-Айрестегі El Ateneo Grand Splendid
Мекенжайы: Av. Sta. Fe 1860, C1123 Cdad. Autónoma de Buenos Aires, Аргентина.
Неге баруыңыз керек: кітап дүкеніне айналған көне театрды көресіз.
Неге баруыңыз керек: кітап дүкеніне айналған көне театрды көресіз.
Кітап дүкеніне айналған көне театр. Ғимарат 1919 жылы театр ретінде ашылып, кейін кинотеатр болды. Ал 2000 жылдан бастап Ateneo желісінің кітап дүкеніне айналды. Барқыт шымылдығы бар сахна қазір кафе ретінде жұмыс істейді. Бір қабаттан екіншісіне эскалаторлармен көтеріліп, жеңіс пен бейбітшілік туралы фрескалар салынған балкондарды тамашалайсыз. Бұл кеңістік адамды еріксіз баурап алады: құдды бір тарих беттерін парақтап жүргендей боласыз.
Портудағы Livraria Lello
Мекенжайы: R. das Carmelitas 144, 4050-161 Порту, Португалия.
Неге баруыңыз керек: жүз жылдық тарихы бар португалиялық кітап дүкенінің сиқырын сезінесіз.
Неге баруыңыз керек: жүз жылдық тарихы бар португалиялық кітап дүкенінің сиқырын сезінесіз.
Дүкен жүз жылдан аса уақыттан бері жұмыс істейді. Жазушы Джоан Роулинг 1990 жылдары Порту қаласында ағылшын тілінен сабақ беріп жүргенде осы жер оған «Гарри Поттердағы» кейбір көріністерді жазуға шабыт берген деседі. Гарри туралы фильм жарық көрген соң дүкенге келушілер күрт көбейіп, адамдарды ішке билетпен кіргізе бастады. Ол 5–6 еуро тұрады. Бірақ кітап сатып алсаңыз, билет сомасы кітап бағасынан шегеріледі.
Дүкеннің өзі аса үлкен емес: қызыл бұралма баспалдағы мен төбесінде витраж әйнегі көздің жауын алады. «Гарри Поттердің» түрлі басылымы қойылған арнаулы бөлімдер, сондай-ақ португал, ағылшын тілдерінде жазылған кітаптар бар.
Дүкеннің өзі аса үлкен емес: қызыл бұралма баспалдағы мен төбесінде витраж әйнегі көздің жауын алады. «Гарри Поттердің» түрлі басылымы қойылған арнаулы бөлімдер, сондай-ақ португал, ағылшын тілдерінде жазылған кітаптар бар.
Дуцзянъяньдағы Dujiangyan Zhongshuge
Мекенжайы: 2F, Chengdu Rongchuanmao Mall, Дуцзянъянь, Қытай.
Неге баруыңыз керек: кітап лабиринтінде адасып көріңіз.
Неге баруыңыз керек: кітап лабиринтінде адасып көріңіз.
Кітапқұмарлар баратын жұмақ болса, ол осы — Dujiangyan Zhongshuge кітап дүкені сияқты болар еді. Бұл жер 2020 жылы ашылған. 80 мыңнан аса кітап, айнамен апталған төбе, жылтыр қара еден мен шетсіз-шексіз залдар. Бұл кеңістік кітап дүкенінен гөрі арт-инсталляцияға көбірек ұқсайды. Шыққыңыз келмей қалады.
Нью-Йорктегі Barnes and Nobles
Мекенжайы: 555 5th Ave, Нью-Йорк, NY 10017, АҚШ.
Неге баруыңыз керек: әлемдегі ең үлкен кітап дүкенінен кітап сатып аласыз.
Неге баруыңыз керек: әлемдегі ең үлкен кітап дүкенінен кітап сатып аласыз.
Гиннестің рекордтар кітабы бойынша, бұл — әлемдегі ең үлкен кітап дүкені. Ғимарат алты қабатты, ішінде 150 мыңнан аса кітап, кеңсе тауарлары, винилдер, тіпті Starbucks та бар. Әйгілі бесінші авенюде орналасқан бұл дүкен жазушылардың, креаторлар мен кітапсүйер қауымның мәдени хабына айналған. Мұнда жаңа кітаптардың тұсаукесері, фан-кездесулер мен әдеби шаралар жиі өтеді.
Тап сіз барған күні Стивен Кинг жаңа кітабын таныстырып отырмасына кім кепіл?
Тап сіз барған күні Стивен Кинг жаңа кітабын таныстырып отырмасына кім кепіл?
Маастрихттегі Boekhandel Dominicanen
Мекенжайы: Dominicanerkerkstraat 1, 6211 CZ Маастрихт, Нидерланд.
Неге баруыңыз керек: кітап дүкеніне айналған көне шіркеуді көресіз.
Неге баруыңыз керек: кітап дүкеніне айналған көне шіркеуді көресіз.
1294 жылы салынған готикалық шіркеу заманауи кітап дүкеніне айналған. Ішінде шыны сөрелер, фрескалар, орта ғасырлық суреттер бар. Ең танымалы — Фома Аквинскийдің 1337 жылы салынған бейнесі. Кітап пен сәулет өнеріне деген махаббаттыңыз тоғысатын тамаша орын.
Париждегі Shakespeare and Co
Мекенжайы: 37 Rue de la Bûcherie, 75005 Париж, Франция.
Неге баруыңыз керек: Эрнест Хемингуэй, Фрэнсис Скотт Фицджеральд пен Джордж Антейл сияқты аты аңызға айналған қаламгерлер мен суретшілер ұнатқан орынды көресіз.
Неге баруыңыз керек: Эрнест Хемингуэй, Фрэнсис Скотт Фицджеральд пен Джордж Антейл сияқты аты аңызға айналған қаламгерлер мен суретшілер ұнатқан орынды көресіз.
Жүз жылдық тарихы бар бұл кітап дүкені кезінде Париждегі ағылшынша жазатын қаламгерлердің үйіндей болған. Дүкенді 1919 жылы Сильвия Бич ашқан. Әуелде бұл жер кітап алатын дүкен ғана емес, жақсы әдеби шығармаларды жарыққа шығаратын баспа да болды. Екінші дүниежүзілік соғысы кезінде дүкен жабылып қалды. Арада 25 жылдай өткенде Джордж Уитмен оны Париждегі Құдай Ана соборының жанынан қайта ашты.
Осылайша тарихы терең әрі тірі Shakespeare and Company кітап дүкені ретінде жұмысын қайта бастады. Қазір мұнда ағылшын тіліндегі жап-жаңа не оқылған кітаптарды алуға, жанындағы жайлы кафеде отырып демалуға, сөйтіп өзіңізді әдеби клубтың мүшесіндей сезінуге болады. Бір кездері мұнда Джеймс Болдуин, Уильям Берроуз, Ричард Райт сияқты қаламгерлер тұрған, шығарма жазған, көңіл көтерген. Олар ұйықтаған жерлер қазір дүкен интерьеріне айналған. Хемингуэйдің «A Moveable Feast» кітабын оқыған болсаңыз, бұл қандай жер екенін жазбай танып отырған боларсыз.
Осылайша тарихы терең әрі тірі Shakespeare and Company кітап дүкені ретінде жұмысын қайта бастады. Қазір мұнда ағылшын тіліндегі жап-жаңа не оқылған кітаптарды алуға, жанындағы жайлы кафеде отырып демалуға, сөйтіп өзіңізді әдеби клубтың мүшесіндей сезінуге болады. Бір кездері мұнда Джеймс Болдуин, Уильям Берроуз, Ричард Райт сияқты қаламгерлер тұрған, шығарма жазған, көңіл көтерген. Олар ұйықтаған жерлер қазір дүкен интерьеріне айналған. Хемингуэйдің «A Moveable Feast» кітабын оқыған болсаңыз, бұл қандай жер екенін жазбай танып отырған боларсыз.
Бухаресттегі Carturesti carusel
Мекенжайы: Strada Lipscani 55, București 030033, Румыния.
Неге баруыңыз керек: кітап сарайында жүргендей боласыз.
Неге баруыңыз керек: кітап сарайында жүргендей боласыз.
Бұл кітап дүкенінің атауы «Әлем каруселі» деп аударылады. Расымен, ғажап ғимарат. Дүкен XIX ғасырдағы ғимараттың алты қабатын алып тұр. Бұрын бұл жерде банк, кейін әмбебап дүкен болған. Ал 2015 жылы кеңістік мәрмәр бағаналары, витражы, бұралма баспалдақтары мен ирек балюстрадасы бар аппақ кітап сарайына айналды. Қазір бұл жер Бухаресттегі көрікті нысанның бірі саналады. Жұрт мұнда кітапқа ғана емес, суретке түсуге көп келеді.
Дүкенде таңдау көп: көркем және ғылыми әдебиеттен бастап, өнер альбомдары, ашықхаттар, кеңсе тауарлары мен кәдесыйларға дейін сатылады. Ең жоғарғы қабаттағы кафеден кофе алып, жаңа сатып алған кітабыңызды парақтап, галереяға көз тастап отырсаңыз болады.
Дүкенде таңдау көп: көркем және ғылыми әдебиеттен бастап, өнер альбомдары, ашықхаттар, кеңсе тауарлары мен кәдесыйларға дейін сатылады. Ең жоғарғы қабаттағы кафеден кофе алып, жаңа сатып алған кітабыңызды парақтап, галереяға көз тастап отырсаңыз болады.
Токиодағы Book and bed
Мекенжайы: 106-0021 1-27-5 Kabukicho, Shinjuku-ku, Tokyo Kabukicho APM Building 8th floor, Токио.
Неге баруыңыз керек: кітап дүкенінде түнеп шығасыз.
Неге баруыңыз керек: кітап дүкенінде түнеп шығасыз.
Бұл хостелді букинист деп қалуыңыз мүмкін: төбеге дейін созылған сөрелер, айнала толы кітап. Олардың артында төсек, жарық шам мен рәзетке қойылған кішкентай бөлмелер бар. Дүкен кітап сатпайды, бірақ «кітапхана» ішінде қонып шықсаңыз болады.
Book and Bed — кітапқұмар интроверттерге таптырмас жер. Сөреден бір кітапты аласыз да, стеллаж артындағы қуыс бөлмеге тығылып, тып-тыныш жерде түні бойы кітап оқисыз.
Бір түнге 21 200 теңгедей (шамамен 6 800 йена) төлейсіз. Токиодан бөлек, Осакада филиалы бар.
Book and Bed — кітапқұмар интроверттерге таптырмас жер. Сөреден бір кітапты аласыз да, стеллаж артындағы қуыс бөлмеге тығылып, тып-тыныш жерде түні бойы кітап оқисыз.
Бір түнге 21 200 теңгедей (шамамен 6 800 йена) төлейсіз. Токиодан бөлек, Осакада филиалы бар.
