Aviasales.kz арқылы билет алған неге қауіпсіз?
Бізге сенім артуға үш себеп.
Ұшақ билетін сатып алу — өте-мөте жауапты іс. Басқа қаладағы тойға асығып отырсаңыз да, жылы жаққа демалыс жоспарлап жатсаңыз не маңызды іссапарға шықпақ болсаңыз да, билет қамын, жолдың жайын уайымдағыңыз келмейтіні анық. Aviasales.kz арқылы билет брондаған неліктен қауіпсіз екенін, кімдермен серіктес екенімізді және билетті сатылымға шығармас бұрын әр серіктесті қалай тексеретінімізді түсіндіріп өтейік.
Сегіз жылдан бері саяхатқа аттанарда қазақстандықтардың сенімді серігі болып келеміз
Осыдан сегіз жыл бұрын Aviasales.kz Қазақстан нарығына қадам басып, алғашқы іздеу сұраныстарын Алматы–Астана бағытынан бастаған еді. Ал бүгінде біздің пайдаланушылар әлемнің 200-ден астам еліне, соның ішінде Кения, Үндістан, АҚШ пен басқа да мемлекеттерге ұшып жүр. Кейінгі үш жылда жолаушылар саны екі жарым еседен аса шамаға өсті. Қазақстандықтардың бізге деген сенімі артып келеді, біз де сол үдеден шығуға тырысамыз.
Билет іздеу процесі барынша ыңғайлы әрі түсінікті болуы үшін сайт пен алгоритмдерді үнемі жетілдіріп отырамыз. Сіз бағытты жоспарлап жатқанда, Aviasales.kz бағаның қалай өзгеріп жатқанын өзі қадағалап, қажет билет арзандағанда не қымбаттағанда бірден хабарлама жібереді. Билет сатып алып жатқанда тариф шарттарын, багаж нормаларын, тіпті Қазақстан азаматтарына елге кіру не трансфер жасау ережелерін де бірден көре аласыз. Сапарыңыз жайлы болуы үшін біздің Demalys тревел-медиамыз екі тілде егжей-тегжейлі нұсқаулар әзірлеп, әр бағыт бойынша үздік локациялар мен пайдалы кеңестер ұсынады.
Билет іздеудің неше түрлі жолы бар шығар, бірақ мен өзіме ең сенімдісін әлдеқашан тауып алғанмын. Мен тек, Aviasales. kz қосымшасында баратын елге билеттерді алдын ала қарап, бақылауға қойып қоямын. Бағасы төмендеген кезде мобильді қосымша маған хабарландыру жібереді, сол кезде сатып аламын. Қосымша арқылы бағаны бақылап отыру өте оңай және ыңғайлы
Барлық серіктесіміз қатаң тексерістен өтеді
Aviasales.kz билет сатпайды, ол серіктестер ұсынған ең тиімді нұсқаларды табуға көмектеседі. Сіздің іздеу нәтижеңізде көрінуі үшін әрбір серіктес қауіпсіздік қызметінің көпсатылы тексерісінен өтеді. Біз компанияларды мынадай өлшемдер бойынша іріктейміз:
Заңға сай ма? Заңгерлеріміз компанияның тарихын, лицензиялары болғанын және сот дауларының жоқтығын зерттейді. Біз тек ресми тіркелген ұйымдармен жұмыс істейміз, серіктестеріміздің арасында «бір күндік» күмәнді компаниялар жоқ.
Қаржы жағдайы қандай? Іздеу жүйесіне ену үшін агенттік өзінің төлем қабілетін дәлелдеуге тиіс. Көбіне біз сақтандыру депозитін талап етеміз — бұл серіктестің клиенттерге ақшасын қайтаруға не өтемақы төлеуге қаражаты бар екенін айғақтайды.
Жұмысты қалай істейді? Компания іздеу нәтижелеріне шыққаннан кейін де біз оны бақылауды тоқтатпаймыз. Сатушының үстінен пайдаланушылардан жаппай шағым түсе бастаса, біз серіктестікті тоқтатамыз.
Қолдау қызметі тәулік бойы жұмыс істейді және билетке қатысты кез келген сұрағыңызға жауап беруге әзір.
Желі арқылы билет алғанда ең үлкен қорқыныш — мәселе туындағанда бос әуежайда еш көмексіз қаламын ба деген уайым. Біздің қолдау қызметімен мұндай жағдай болмайды. Кез келген уақытта өзіңізге ыңғайлы әлеуметтік желі арқылы жаза аласыз және міндетті түрде жауап аласыз. Қолдау қызметі қазақ-орыс тілдерінде жұмыс істейді.
Қолдау қызметінен сапарға қатысты кез келген нәрсені тәулік бойы сұрауға болады. Біз жоғалған билеттерді табуға, тарифтерді, виза мәселелерін немесе ауысып міну шарттарын білуге көмектесеміз. Сондай-ақ сіз билет сатып алған серіктестердің байланыс нөмірлерін тауып беріп, олармен хабарласуға септігімізді тигіземіз. Биыл бізге көбіне билетті қалай қайтаруға не айырбастауға болады, билет келмесе не істеу керек, брондау кезіндегі деректерді қалай өзгертеді, бізбен қалай байланысуға болады деген сұрақтар қойды, виза мен құжаттарға қатысты сауалдар жолдады. Осы сұрақтардың бәріне жауап біздің FAQ бөлімінде тұр.
Сіздің еш уайымсыз жол жүргеніңіз — біздің негізгі жауапкершілігіміз, сондықтан барлық техникалық және заңды тексерісті өз мойнымызға аламыз. Біз арқылы брондаған сенімді екеніне көз жеткізсеңіз, енді тиімді билет алуды үйренетін сәт келді. Ол үшін «2026 жылы арзан ұшақ билеттерін қалай сатып алуға болады?» атты материалымыздағы негізгі ережелерді оқып шығыңыз.
Суретті салған— СашаШура.
