Қыстан қашу: қазақстандықтар осы маусымда ұшып баратын бес бағыт
Раллиді көру үшін немесе Жаңа жылды электронды музыка фестивалінде қарсы алу үшін.
Aviasales.kz деректеріне қарағанда, биыл қыста қазақстандықтар бір ортақ шешімге келген сияқты: егер қыс келсе — біз теңізге ұшамыз. Немесе шопингке. Немесе жай ғана минус жиырмадан жылы жерге.
Біз 2025 жылдың желтоқсанынан 2026 жылдың ақпанына дейінгі брондау деректерін қарап, ең танымал бағыттарды таңдадық. Ең көп сатып алынған билеттер мен бұл бағыттардың несімен танымал екенін айтып береміз.
Түркия
To-do list: жағалауда ыстық салеп ішу, Сұлтанахметті бойлай серуендеу және жергілікті музыканы тыңдау.
Қыста мұнда күнге қыздырыну үшін келмейді (Антальяда күн салқындау), Ыстанбұлдың ерекше атмосферасы үшін келеді. Бұл — ұзақ серуенге ең қолайлы мезгіл: аптап ыстық жоқ, жазғы туристердің ағыны да басылған.
Маусымның маңызды шараcы:
«Щелкунчик» балеті. Желтоқсанның соңынан қаңтарға дейін AKM-де (Atatürk Cultural Center) басты қысқы ертегі қойылады. Бұл — тек әдемі қойылым емес, сонымен қатар әдемі жерге кешкі көйлекті киіп баруға тамаша себеп.
Таиланд
To-do list: аралдарда байк жалдау, өзіңе лайықты жағажайды табу және күн сайын массажға бару.
Нағыз маусым хиті — сұраныс үш есеге жуық өсті. Мұнда күннің шуағын іздеп келеді. Мақсатыңыз — көп нәрсені ойламай, манго жеп демалу болса, дәл осы жер сізге керек.
Маусымның маңызды шаралары:
- Neon Countdown. 2025 жылдың 30–31 желтоқсанында Бангкокта Alesso мен Amelie Lens қатысатын фестиваль өтеді. 2026 жылды ашық аспан астында қарсы алудың мінсіз тәсілі.
- EDC Thailand. 2026 жылдың 16–18 қаңтарында Пхукетте әйгілі электронды карнавал өтеді. Үш күн бойы жағажайда музыка мен арт-инсталляциялар болады.
- Қытай Жаңа жылы. 2026 жылдың 17 ақпанында Бангкок қызыл түске боялады — айдаһар шерулері мен отшашулар күтіңіз.
Қытай
To-do list: Шанхай Диснейлендінде баладай шаттану немесе нағыз мұзды ертегіні көру.
Бұл — биылғы қыстың отбасылық демалыс бойынша үздік бағыты. Виза қажет етілмейтіндіктен, Қытай ойын-сауық парктері үшін балаларды, ал гастрономия үшін ересектерді қызықтыратын қолжетімді бағытқа айналды.
Маусымның маңызды шаралары:
- Харбин мұз фестивалі. Ресми ашылуы — 2026 жылдың 5 қаңтары. Бұл — әлемдегі ең үлкен мұзды қала, оны әр қыс сайын қайта салады.
- Қытай Жаңа жылы. 2026 жылдың 17 ақпанында Жылқы жылы басталады. Осы күндері бүкіл ел демалысқа шығып, барлық жерде адам көп болатынын ескерген жөн.
БАӘ
To-do list: Дубайдағы ойын-сауыққа арналған толық тур жасап шығу немесе шөлде джип-сафариға аттану.
Бұл бағыт жайлылықты бағалайтындар үшін. Қыста шығанақта суға түсуге бәрі бара бермейді, бірақ бассейн маңында демалу мен концерттерге бару — нағыз жан рахаты.
Маусымның маңызды шараcы:
Linkin Park. 2026 жылдың 20 қаңтарында топ Абу-Дабиге жаңа шоуын алып келеді. Билеттерді қазірден қараған жөн.
Сауд Арабиясы
To-do list: Қажылыққа бару, содан кейін Арабияның «басқа» қырын көру: Жидданың ескі қаласында серуендеу және Қызыл теңізге сүңгу.
Бұл бағытты таңдайтындар саны рекордты қарқынмен өсіп келеді. Қыста мұнда ауа райы жайлы, сондықтан бұл маусым қажылыққа да, жай туризмге де өте қолайлы.
Маусымның маңызды шараcы:
Dakar Rally. 2026 жылдың 3–17 қаңтарында әлемнің түкпір-түкпірінен келген жүргізушілер Сауд Арабиясының шөлдерін бағындырады. Шапшаң алып көліктерді өз көзіңмен көруге тамаша мүмкіндік.
