Қазақтар, өзбектер мен қырғыздар былтыр қай елдерде көп демалды? Aviasales.kz аналитикасы
2025 жылды қорытындылап тастайық.
2026 жылдың ақпаны — тревел-бюджетті зерделеп, аймақтағы көршілеріміз былтыр жылды қалай өткізгенін сараптап шыққанға таптырмас уақыт. Біз, Demalys командасы, бірі жосық-жоспарсыз саяхаттайтын, ал енді бірі бизнес-кластағы бір бокал шампансыз ұшуға болады дегенге сенбейтін қазақтардың, өзбектер мен қырғыздардың саяхатшы ретіндегі сипатын салыстырып шықтық.
Қайдан ұшқан арзан?
Қазақстаннан ұшатын билеттер тым қымбат емес пе осы деп ойлаған болсаңыз, оныңыз бекер емес. Орта есеппен біздің билет 431 доллар тұрады, ал көршілес өзбектер ұшу үшін 315 доллар төлейді. Қырғыздар орташа 406 долларлық чекпен осы екеуінің арасында тұр.
Мәселен, Түркия бағытындағы рейстерде айырмашылық шамалы (4%) болса, басқа бағыттардағы цифрларға қарап, енді билетті Ташкенттен алайын ба деп қаласың.:
- Ресейге: Ташкенттен — 243 доллар, Қазақстаннан — 344, Қырғызстаннан — 288.
- БАӘ-ге: Ташкенттен — 294 доллар, Қазақстаннан — 409 (айырмашылық 28%), Қырғызстаннан – 323.
- Қытайға: Ташкенттен — 530 доллар, Қазақстаннан — 719 (айырмашылық 26%), Қырғызстаннан — 633. Тіпті алыс шетелге де Өзбекстаннан ұшқан тиімдірек: Германияға билет — 460 долларға, Оңтүстік Кореяға — 434, ал Сауд Арабиясына — 804 долларға шықты.
Мұндай цифрлар көңіл-күйіңізді түсірсе, арзан әуе билеттерін қалай сатып алуға болатыны туралы нұсқаулығымызды оқыңыз. Онда артық ақша төлемеудің тиімді лайфхактары бар.
Көбіне қайда ұшқан?
2025 жылы саяхатшылар географиясы әртүрлі болды. Ресей, БАӘ, Түркия сияқты стандартты бағыттардан бөлек, басқа да елдер тізімге еніп жатты.
- Қазақтар Грузияға, Таиландқа, Вьетнамға көп ұшты.
- Өзбектер классикалық бағыттармен қатар Қытай, Оңтүстік Корея мен Германияны көп таңдаған.
- Қырғызстандықтар өзгелерге қарағанда Өзбекстан, Германия мен Қытайға жиі сапарлатқан.
Жоспарлау vs тосын шешім
Саяхат мәселесіне келгенде 2025 жылы қазақтар ең сақ халық боп шықты: отандастарымыз билеттерді ұшуға 23 күн қалғанда брондай бастаған. Өзбектер мен қырғыздар жолға қамданғанда асықпайды: олар билетті ұшуға 12 және 11 күн қалғанда бір-ақ алады екен.
Сонымен қатар Қырғызстан тұрғындары бәрінен ұзақ демалады: орта есеппен сегіз күн, ал қалғандары бір аптада жұмысына оралып жатады.
Комфортсүйгіш өзі
Ұшақта бизнес-класқа нық басып бара жатқан адамды көрсеңіз, оның көк паспорты болуы әбден мүмкін. Қазақстар көршілеріне қарағанда комфортты 20% жиі таңдайды.
Біз қазақтардың бизнес-класқа отырып, қайда ұшатынын бұған дейін егжей-тегжейлі талдағанбыз: көш басында АҚШ, Қытай және Мальдив аралдары тұр. Өзбектердің сән-салтанатқа деген құштарлығы Сингапур мен Үндістанға баратын рейстерде оянса, қырғыздар бизнес-класты көбіне АҚШ-қа немесе... Қазақстанға ұшқанда алады (бұл әзіл емес).
Үй ішімен қыдырып жүретіндер
Былтыр бала-шағасымен ең көп ұшқан — қазақтар. Үш елде де үй ішімен демалғанға ең көп таңдалатын ел — Египет. Дегенмен талғамымыз барған сайын экзотикалық болып барады.
- Қазақтар балаларын Вьетнам мен Әзербайжанға көп апарды.
- Өзбектер Малайзия мен Қырғызстанды таңдаған.
- Қырғыздар БАӘ мен Түркияға басымдық берген.
Жыл өткен сайын Орталық Азиядан шыққан ата-аналар батыл болып барады. Олар баяғыдай жол ұзақ деп қорықпайды. Тап-таза таза теңіз бен экзотикалық жемістерге жету жолында олар аспанда 7–9 сағат отыруға дайын.
Айтпақшы, дәл қазір үй ішімен қайда барсам екен деп жүрсеңіз, бітпейтін талқы туралы мақаламызды оқып шығыңзы: демалғанға Түркия жақсы ма, Египет пе?
Сөз соңында
- Ең арзан рейстер — Өзбекстаннан.
- Тосын сапарлар — Қырғызстан мен Өзбекстанда.
- Бизнес-класты көбіне қазақтар таңдайды.
- Бала-шағасымен көбіне қазақтар мен қырғыздар ұшады.
Цифрларға қарасақ, кейде Ташкентке дейін пойызбен не көлікпен жетіп алып, сол жерден Еуропаға не Қытайға ұшқан тиімдірек екені көрінеді.
Маршрутты осылай құруды ұйғарсаңыз, транзит қалаға бірер күн арнаңыз. Ташкент оған әбден лайық! Ең дәмді палау мен қаланың ең көрікті жерлерін қайдан табу керегін білу үшін біздің Ташкент бойынша гидімізді сақтап қойыңыз.
