2026 жылы қазақстандықтар қай елдерге визасыз бара алады?
Жағажайда демалу, таулар, пандалар, дәмді тағамдар — мұның бәрі визасыз қолжетімді.
Визасыз режимнің екі түрі бар. Біріншісі — «нағыз» визасыз режим, яғни сіз өзге елге келгенде паспортыңызға мөр басып береді. Екіншісі — «шартты» режим. Бұл жағдайда виза ұшақтан түскен соң істеледі. Алайда кейде визаны алу үшін ақы төлеу керек немесе қосымша құжаттар (кері қайту билеті, қонақ үй броны, медициналық сақтандыру) талап етілуі мүмкін. Нақтырақ мәліметті ҚР СІМ сайтынан тексеріп алуға болады. Мынаны ұмытпаған жөн: жолға аттанар бұрын паспортыңыз сапар аяқталғаннан кейін де кем дегенде алты айға дейін жарамды болуы керек. Ал билеттерді, әрине, Aviasales.kz-те іздеңіз.
30 күнге дейінгі сапарлар
БАӘ
Болу мерзімі: 30 күнге дейін.
Не үшін бару керек: тап-таза жағажайлар, қауіпсіз ел, алуан түрлі шопинг, Абу-Дабидегі «Лувр», ірі халықаралық іс-шаралар, мысалы, Формула-1, арт-фестивальдер және спорт жарыстары.
Қытай
Болу мерзімі: материктік бөлігінде 30 күнге дейін және Хайнань аралында 30 күнге дейін.
Не үшін бару керек: будда ғибадатханалары, қытай медицинасы, Хайнаньда жағажай демалысы және Чжанцзяцзе ұлттық паркіндегі тас бағана-таулар. Сонымен қатар бұл пандаларды өз көзімен көруді армандаған адамдарға арналған ел.
Малайзия
Болу мерзімі: 30 күнге дейін.
Не үшін бару керек: Лангкавидегі жағажайлық демалыс, 88 қабатты Петронас мұнаралары, Ват Чайямангкаларам храмы (мұнда көлемі бойынша үшінші орында тұрған Будда мүсінің көруге болады). Қытай, Үндістан, Еуропа және Таяу Шығыс тамақтары араласып пайда болған өзіндік ерекшеліктері бар малайзиялық тағамдар.
Мальдив аралдары
Болу мерзімі: 30 күнге дейін.
Не үшін бару керек: таза су, жағажайлардағы аппақ құм, оңашалану сезімі, су жағасындағы бунгалода тұру мүмкіндігі, дайвинг пен снорклинг, премиум демалыс және дельфиндер.
Оңтүстік Корея
Болу мерзімі: K-ETA электронды рұқсаты болған жағдайда 30 күнге дейін.
Не үшін бару керек: Сеулдегі Гангнам ауданындағы шопинг және түнгі өмір, чимчильбан моншалары, CU супермаркеттерінде рамендер мен тіскебасарлар. Және кім біледі, мүмкін серуендеп жүріп, сүйікті дорамаңыздағы крашыңызды кездестірерсіз.
Өзбекстан
Болу мерзімі: визасыз. 30 күннен артық қалсаңыз, тіркелу керек.
Не үшін бару керек: өзбек палауы мен самсасы, Ташкенттегі Чорсу базары, тарихи Самарқанд, Шымған таулары мен Шаруақ су қоймасы (өте әдемі!).
Тунис
Болу мерзімі: 90 күнге дейін.
Не үшін бару керек: Жерорта теңізі, ақ-көк Сиди-бу-Саид қаласы (жергілікті Санторини), базарлар, қызғылт фламинголар, Сахараға экскурсиялар, ежелгі Римнің Дугга қаласының қирандылары және «Жұлдызды соғыстар» фильмі түсірілген Фум-Татахвим қаласы.
Біріккен Араб Әмірліктері мен Түркиядан жалыққандарға таптырмас ел.
60 күннен асатын сапарлар
Әзербайжан
Болу мерзімі: визасыз. 30 күннен артық қалсаңыз, тіркелу керек.
Не үшін бару керек: кәуап, садж, анар шырыны, дәстүрлі кілемдер, Гейдар Әлиев орталығы (Заха Хадид жобалаған), Сумгайыттағы жағажай, Шахдаг және Туфандаг тау шаңғы курорттары.
Грузия
Болу мерзімі: бір жылға дейін.
Не үшін бару керек: хинкали, хачапури және шарап, Тбилиси сәулеті, Батумидегі жағажай және Гудаури не Бакурианидегі беткейлер.
Қырғызстан
Болу мерзімі: визасыз. 30 күннен артық қалсаңыз, тіркелу керек.
Не үшін бару керек: Қарақолдағы беткейлер, «Ертегі» шатқалы және Ала-Арча ұлттық паркі. Әрине, Ыстықкөлге соқпай кетпесеңіз де болмайды.
Тайланд
Болу мерзімі: TDAC электронды рұқсаты болған жағдайда 60 күнге дейін.
Не үшін бару керек: жағажайлар, пад тай, 7/11-ден дәмді тағамдар, килограммдап алуға болатын шырынды манго, ғибадатханалар, Пхукеттегі Бангла-роуд көшесіндегі түнгі өмір, Бангкоктағы шопинг және ең бастысы «сабай-сабай» — жан тыныштығы мен қазір өмір сүріп, сәтті жіберіп алмай, нақ осы жерде бола алу қабілеті туралы жергілікті өмір философиясы.
Түркия
Болу мерзімі: 90 күнге дейін.
Не үшін бару керек: all-inclusive, өте дәмді симиттер, пахлава, түрік кофесі, Стамбұл сәулеті және Каппадокиядағы әуе шарлары.
Басқа бағыттар
| Мемлекет | Болу мерзімі |
|---|---|
| Албания | 90 күнге дейін |
| Аргентина | 30 күнге дейін |
| Армения | 90 күнге дейін |
| Барбадос | 28 күнге дейін |
| Беларусь | Есепке қойылмаған жағдайда, 30 күнге дейін |
| Бразилия | 30 күнге дейін |
| Вьетнам | 30 күнге дейін |
| Гонконг | 14 күнге дейін |
| Доминикана Республикасы | 60 күнге дейін |
Замбия | 90 күнге дейін, алдын ала электронды рұқсат алу керек |
| Индонезия | 30 күнге дейін, әуежайда рәсімделеді |
| Иран | 14 күнге дейін |
| Қатар | 30 күнге дейін |
| Колумбия | 90 күнге дейін |
Маврикий | 60 күнге дейін, әуежайда рәсімделеді |
Макао | 14 күнге дейін |
| Марокко | 30 күнге дейін |
| Молдова | 90 күнге дейін |
| Моңғолия | 90 күнге дейін |
Намибия | 90 күнге дейін, әуежайда рәсімделеді |
Никарагуа | 30 күнге дейін |
Оман | 30 күнге дейін |
| Намибия | 90 күнге дейін, әуежайда рәсімделеді |
| Ресей | 30 күнге дейін тіркелусіз, жалпы 90 күнге дейін |
| Сербия | 30 күнге дейін |
| Сейшель аралдары | 30 күнге дейін, жарты жылда бір рет |
Сент-Китс және Невис | 90 күнге дейін |
Сент-Винсент және Гренадины | 90 күнге дейін |
| Тәжікстан | визасыз. 30 күннен артық қалсаңыз, тіркелу керек. |
| Өзбекстан | визасыз. 30 күннен артық қалсаңыз, тіркелу керек. |
| Украина | 90 күнге дейін |
| Филиппин | 30 күнге дейін |
| Черногория | 30 күнге дейін, тек туристер үшін және 1 наурыз–1 қараша аралығындағы туристік маусым кезінде |
| Эквадор | 30 күнге дейін |
| Кука аралы | 30 күнге дейін |
| Шри-Ланка | 30 күнге дейін, алдын ала электронды рұқсат алу керек |
| Мемлекет | Болу мерзімі |
|---|---|
| Албания | 90 күнге дейін |
| Аргентина | 30 күнге дейін |
| Армения | 90 күнге дейін |
| Барбадос | 28 күнге дейін |
| Беларусь | Есепке қойылмаған жағдайда, 30 күнге дейін |
| Бразилия | 30 күнге дейін |
| Вьетнам | 30 күнге дейін |
| Гонконг | 14 күнге дейін |
| Доминикана Республикасы | 60 күнге дейін |
Замбия | 90 күнге дейін, алдын ала электронды рұқсат алу керек |
| Индонезия | 30 күнге дейін, әуежайда рәсімделеді |
| Иран | 14 күнге дейін |
| Қатар | 30 күнге дейін |
| Колумбия | 90 күнге дейін |
Маврикий | 60 күнге дейін, әуежайда рәсімделеді |
Макао | 14 күнге дейін |
| Марокко | 30 күнге дейін |
| Молдова | 90 күнге дейін |
| Моңғолия | 90 күнге дейін |
Намибия | 90 күнге дейін, әуежайда рәсімделеді |
Никарагуа | 30 күнге дейін |
Оман | 30 күнге дейін |
| Намибия | 90 күнге дейін, әуежайда рәсімделеді |
| Ресей | 30 күнге дейін тіркелусіз, жалпы 90 күнге дейін |
| Сербия | 30 күнге дейін |
| Сейшель аралдары | 30 күнге дейін, жарты жылда бір рет |
Сент-Китс және Невис | 90 күнге дейін |
Сент-Винсент және Гренадины | 90 күнге дейін |
| Тәжікстан | визасыз. 30 күннен артық қалсаңыз, тіркелу керек. |
| Өзбекстан | визасыз. 30 күннен артық қалсаңыз, тіркелу керек. |
| Украина | 90 күнге дейін |
| Филиппин | 30 күнге дейін |
| Черногория | 30 күнге дейін, тек туристер үшін және 1 наурыз–1 қараша аралығындағы туристік маусым кезінде |
| Эквадор | 30 күнге дейін |
| Кука аралы | 30 күнге дейін |
| Шри-Ланка | 30 күнге дейін, алдын ала электронды рұқсат алу керек |
Суреттерді салған — СашаШура.
